الهوس السرمدي

part 1

🏹【 الهوس السرمدي 】🏹

⛓في شرع عشقي..ابتسامتك لغيري كفر♠️⚡

𝐛𝐲✎: 𝑁𝑎𝑠𝑠𝑖𝑚𝑎 𝐸𝑅𝑠

_____𝑃𝐴𝑅𝑇 1_____

واخد وجها بين يدو وعيونو فقط مركزين على بؤبؤ عيونها .. تنهد تنهيدة طوييلة وحط جبهتو على جبهتها كيتنفس من نفسها .. غمض عينيه ونطق بعشق وهيام ..

حياتي بلا بيك والو نتي حليتي عينيك عليا ويلا غتسديهم غتسديهم عليا .. تنفس بعمق وكمل كلامو .. نتي لادروك ديالي نتي عشقي نتي كولشي.. (خدا يدها بين يديه وحطها على قلبو) لابغيتي تمشي شي نهار كيخصك تحيديه من بلاصتو عاد يمكن ليك تمشي

تنهدات تنهيييدة طوييلة من كلامو حاولات تبعد عليه باش تدوي لاكن كان رافض غير مازاد زيرها عليه ماخلاها فين تتحرك

....: رضى!!
رضى(تنفس بعمق): روح رضى! حياة رضى!! قلب رضى!!

بتسمات من كلامو وقربات حطات راسها على قلبو ونطقات بحزن وحيرة..

واش انا كيحساب ليك مكنبغيكش! واش كيحساب ليك نقد نفرط فيك! تانا مكرهتش مكرهتش نتجمعو فدار وحدة ونبنيو حياتنا بزوج نطلعو درجة بدرجة (بعدات شوية وحطات يدها على لحيتو وعيونها مركزين مع عيونو نايمين ) رضى! أنا ر فت العشق أنا ر منين كان فعمري 12 لعام وانا كنبغيك وف 13 لعام تصاحبنا ههههههه داخلين فسبع سنين ارضى نتا راك اول دري دخلتي لهنا(حطات يدها على قلبها) وأول راجل عشقتو (تنهدات) فعمري 18 دب ونتا داخل ف 25 أنا ر تربيت على يدك اسيدي واش غنجي تال دب وتفرقك!! منقدرش منقدرش ( تنفسات بعمق وسكتات مدة عام كملات كلامها) ولاكن ماماك ارضى ماماك انا ماباغياكش تكون مسخوط الواليدين سمعتي

رضى (قاطعها): تادابا ممسخوطش ا خيال !
خيال: ولاكن جيتي لدارنا بلا خبارها بلا موافقتها جيتي عندنا بوحدك

بستهزاء: وشنو انتسناها تاتبغي!! لاتسنيها تتوافق عمرنا مغنتزوجو ولا نعيشو بخير!! خيال سبع سنين وانا كنتسناك صافي تسنيت بزاف انا باغي نتزوج بيك ليوم قبل غدا القراية ساليتها الخدمة خدمتها كولشي موجود خص غانتزوجو وانا ى مغتلقايش معايا موشكيل ونتي عارفة انا ديما انكون ليك سند وغندعمك فقرايتك فكولشي اي حاجة

بتسمات من كلامو وخدات وجهو بين يديها وببتسامة خلابة نطقات

خيال: عارفة هادشي وانا لابغات مك من دابا نجرك من رجليك ونديك لعدول

رضى(كيضحك): ديريها عارفك هبيلة ومعند جد مك عقل
خيال: اييه انا غاحمقة عقلي ديييتييييه ليااا اشفار شفرتيييه (غوتاات بجهد) وعييييباااااد الله شفااار شفر ليااا قلبيييي وعقليييييي

كيضحك من هضرتها اش غيدييير حبو طاح على هبيلة

بتااااسم ووقف كيغووت تااهو بجهدووو كتر منها فحالا كيقول ليها الحماق انا مولاه

رضى: وررربي وعيباااد الله والمخززززن والبااامبياااا وقلبيييييييي ليي بغااا قلبهااا شنديييييير لاكاااان هااااد الحب ايردنييي شفااار ومجرررم فااقااابلل قااااااابل

كتشووف فيه وقلبببها كيضرب ضحكة متحبسااتش ليها وفنفس الوقت ضحكة مخلطة مع البكية .. بدون سابق انذار طاحت عليه مخشية وسط دراعو.. مخلين لي داز كيشوفو فيهم كاين لي عجبوه وكاين لي كيتعجب وكاين لي حشم بلاصتهم كلا ورأيو ...