" الساكت عن الحق ليس شيطانًا أخرس .. الساكت عن الحق انسان ضعيف
جبان و هش .. الشياطين تقدر تآخذ منحنى ثاني و تنقذ نفسها ..
الأمور اللي صارت في ثمانينات القرن الماضي و و الأمور اللي تصير
في الألفية هي نفسها بس الوضع صار بتقبل الناس و بنفس الوقت برفضهم ،
مو بس في وطنا العربي في كل انحاء العالم من شرقه لغربه صارت الأفكار
مختلفة لأن طبيعية عقل الانسان صار يواجهه حقيقة التغيير الزمني الجسدي
و الاعتقادي .. "
دخل عليها الغرفة بخطوات هادية بعد ما تأكد بنوم البقية و قرب من سريرها
و حنى جسمه و ريحة الدخان وصل لها و جا يخنقها بس م تحركت و لا رجفت
و لا حسسته انها صاحية ، طبع بوسة على جبينها و حط باقة الورد جنبها وطلع ..
لما سمعت صوت غرفته يتسكر فتحت عيونها على طول و رمت الورد ع الارض
وبدت تدوس عليه بقوة و بعدها تحركت لجوالها و قرت الرد .
ـ بعد 48 ساعة إذا تأكدت بيصير جنب اسمك لون اخضر ، بعدها بس تكتبين
لي تعال بجي وبنفذ ..
ابتسمت و مررت يدها ع الشاشة و رجعت لسريرها انسدحت بعد ما حطت المنبه
ع وقت المدرسة ..
فتحت الباب عليها و نادتها وبيدها كوب القهوة : غيداء ماما يلا اصحي ..
مشت شوي و شالت باقي الورد : شنو هذا ..؟ من وين الورد وليش سويتي كذا ؟
غيداء التفت لأمها وهي منسدحة لسه : شفت نحله فيه و دعسته ع شان تموت ..
أم غيداء : بسم الله من وين شريتي الورد هذا ؟ لو صاير لك شي ..
