المحطة قبل الأخيرة .
اعتذر بقوة للي ما استوعب فكرتي فيها
او تاه في نقطة معينة ..
بس قلت لكم انو اسلوب هالرواية مُختلف .
تفاعلو حلوياتي ..
-
" و رب الشمس أنك تُشرق حتى في الدجى
متى ما حللت في قلبي و استحللت "
ـ
صهيب رخى اصابعه شوي على يد ايبان : شنو ؟
ايبان هو اللي شد على يد صهيب و نزلت دمعته ع طرف عينه : لأني
الشخص الوحيد اللي بيوقف هالمسلسل ..
صهيب رفع يده الثانية ومسح دمعة ايبان : أنا اللي بقرر متى هالشي
ينتهي ..
ايبان مسك يد صهيب الثانية و تحرك شوي وجلس و ما صار
يفصلهم شي : ما تعبت صهيب ؟
صهيب هز راسه بأيه : اللي عاش عمره كله يمشي
فوق جمر صدره هل تتوقع أنه عايش مرتاح ؟
ايبان وهو يتكلم قريب من شفايف صهيب : أنت قلت لي
تبي ايبان اللي كان مهووس في الخزرج ..
صهيب مسك خصر ايبان : ابيك تنسى كل شي أنا ..
ايبان رفع يدينه الثنتين وحاوط رقبة صهيب : شلون انسى
الشخص الوحيد اللي خلاني أحب الحياة للمرة الأولى ؟
صهيب مسك بقوة على خصر ايبان و كمل : و تنسى هالفترة
من حياتك و تكمل تعيش ..
ايبان رخى راس صهيب له وسنده براسه وغمض عيونه : إذا
عقلي نسى هالاشياء شلون اقنع قلبي أنك ما كنت موجود و أنت
مستعمره كله ؟
صهيب طبع بوسة رقيقة على طرف شفة ايبان اللي انتفض وهمس له :
و أن طرى في بالك طيفي مرة تذكر أني السفاح اللي كان يذبح بدم
بارد و كان م يرعبه أحد و عايش هالحياة لغاية وحده بس و ما
دخل الدفى روحه إلا لما شاف عيونك ..
ايبان فتح عيونه و قبل ما ينطق بشي صهيب ع طول ميل وجهه و باس
شفة ايبان بقوة خلت الاخير ينتفض و دموعه تنزل اكثر ..
