Miyan's Epistle

ulap at ikaw

tinanong kita ang sagot mo ay "OO"
akala ko nananaginip lang ako
na baka at sana hindi iyon totoo.
pareho pa naman tayong nangako

paano kung tayo sa ibang dimensyon?
magkikita kaya tayo sa ganoong sitwasyon?
naisip ko lang para alam ko na ang gagawin
yung tipong tatakbo ako at ika'y yayakapin

matagal ko ng hinahanap ang mga yakap
sabay tayong nakatingala sa alapaap
walang mintis at sa mapupungay mong mata
doon ko nalaman, nangungusap ka na pala

hinawakan mo ang aking kamay, mahal
'kakayanin mo kahit wala ako'
tumango lang ako, umiyak at yumuko
'hanggang dito na lang, iiwan mo na ako?'

OO...

miyanwreadt (ulap at ikaw) 02102022/linggo