رواية خلف كل باب|لهجة يمنية|

20

➖➖➖➖➖
_*📚| روايــة "*خلف كل باب*📖🖋️
_*✒| بقلم:【إحساس مايفهمونه 】*_
_*🎬| البــارات رقــــم{20} :*_
ـ➖➖➖➖➖➖

سبحان الله وبحمده سبحان الله العظيم 💙

........................................................................

وتين

كنت جالسه أذاكر احس هذه الأيام بديت افهم شويه
شويه وحتى احفظ ماانسى ادري هو السبب من
العلاج بس شي بداخلي مايشتني اعيش حياتي
طبيعي لازم ارجع لنقطه الصفر غلقت الكتب
وجلست أرسم وجلست اسأل نفسي شجي يوم
وشرجع اعيش حياتي طبيعي وشجي يوم وانسى
قصه إغتصابي دمعتي نزلت على الورق بس
مااهتميت واصلت الرسم وجاء على بالي سؤال
سؤال من بعد هذه السنين كله جاء على بالي سؤال
عادل اينهو كيف عايش حياته قطع تفكيري الدفتر لما فجئه انسحب مني قال بدون مايلفت لي

مكين : انتي داريه متى دخلت الغرفه كما جلست اتكلم معك ماتسمعي

وتين : م.ماسمعت

حاولت اسحب الدفتر منه مارضي

وتين : لو سمحت

مكين : صلحي ثيابك

صلحت القميص بسرعه ودموعي نزلين واني اقول لموه مايلفت لعندي كان نازل من عند صدري رفعت راسي لعنده أبصرته فتح الدفتر فتحت عيوني بصدمه ذحين استوعبت ماكنت أرسم

وتين : لا لا لااا تفتحه

حاولت اسحبه رفعه بيده ماقدرت اوصل لعنده طولي مايساعد

وتين : لو سمحت هات الدفتر

مكين : اصه، اجلسي شقول لك

وتين : بالأول هات الدفتر

مكين : انا ماقلت لك

جلست وهو جلس جمبي غلق الدفتر وخليه بيده

مكين : كم الساعه

وتين : مدري كم

مكين : 11:27 وعادك مارقدتي وانتي معك مدرسه السبب، جالسه ترسمي وتين ركزي بس على مستقبلك انسى الماضي

مسح دموعي وعمل رأسي على صدره ويسمح على شعري هدأت نفسي اشتي إحساس الأمان اللي كنت احسه لما اكون معه يرجع مثل قبل عمل أصابعه على رأسي ويحركهن حركته خلتني أرتاح غمضت عيوني وجاء الإحساس اللي كل مايحضني أحسه إحساس مره غريب مافهمت المعنى حقه كأني بديت أميل له لا لا عييب ابتعدت عنه بسرعه

مسك بيدي يدي ضاعت بين يده وعمل يده الثانيه فوق يدي

مكين : انتي سلمتي على الحسين صح

هزيت راسي بالموافقة

مكين : لموه انا اخر من يدري

وتين : لموه قصدي اينه المشكله