رواية خلف كل باب|لهجة يمنية|

25

ـ➖➖➖➖➖
_*📚| روايــة "*خلف كل باب*📖🖋️
_*✒| بقلم:【إحساس مايفهمونه 】*_
_*🎬| البــارات رقــــم{25} :*_
ـ➖➖➖➖➖➖

سبحان الله وبحمده سبحان الله العظيم 💙

........................................................................

مسحت دموعي مستغربه من كلامه اللي كله الالغاز ركزت على أبي اللي اتغيرت فرحته خوف

مكين : مااوصيك على وتين

سلمان : بنتي كيف توصانا عليه مابش أحد يخاف عليه مثلي

مكين : إلا به من قال لك مابش

قال كلامه وخرج خرج أبي بعده شويه ورجع بس كان ضابح

سلمان : وتين

قمت مسحت دموعي

سلمان : هاتي جوالك شتصل انا مامعي رصيد

فصلته من الشحن وانديته له

سلمان : وعلى من الدموع هذه

وتين : ولاشي

مسح دموعي أبتسم

سلمان : أوعدك اعوضك عن كل الأيام هذه ودارسه شخليك تدرسي لموه هو بس يدرس بنته وانا شخليك تدرسي

وتين :اني مارضيت ادرس يابه لاترجع كل شي عليه خلاص بس

حضنته وبكيت بقوه حتى ماارتحيت بحضنه مثل مكين أنسى حتى من أني صارحت أبي

وتين : ا.اني مم.ما اشتي اطلق يابه

سلمان : لايغرك شكله بعدين شكبر وشتقولي ياليتني أطلقت منه  ماينفعك صدقيني ، انتي صغيره وحاليه باكر بعده شتزوجي ولا ناقصك شي وبعدين مش ظلم بحقك تتزوجي رجال عمره ضعف عمرك

كيف اقدر افهمك يابه اني مستحيل أتزوج مره ثانيه
كيف اقدر أفهمك اللي وقع بي واذا قلت لك 
شتفهمني شتفهم حالتي انو مااقدر أتزوج ابتعدت
عنه أحس نفسي مخنوقه وجع بصدري أحس نفسي
ضايعه حتى أبي أحسه غريب عني دموعي نزلين
وصلت مرحله صعبه صعبه لدرجه حسيت نفسي
بدونه ولاشي

سلمان : وتين مابينك

فتحت عيوني وجع برأسي

سلمان:  ها كيف تحسي نفسي

انتبهت انو احنا بالمستشفى

سلمان : اللبسي اللثام ويالله نمشي

لبسته واني دايخه مسكني من يدي ومشينا واني أحس روح ماعندي ولما وصلنا البيت عادني ماجلست صرخ أبي بصوت فزني زبط العلاج بيده

سلمان : ااانتيي داااررريه انككك حااامل اااو لاااا

وتين : ها متى

هزني من كتفي بقوه

سلمان : كيييف متتتى

وتين : ا.اني حح.حامل