رواية خلف كل باب|لهجة يمنية|

26

ـ➖➖➖➖➖
_*📚| روايــة "*خلف كل باب*📖🖋️
_*✒| بقلم:【إحساس مايفهمونه 】*_
_*🎬| البــارات رقــــم{26} :*_
ـ➖➖➖➖➖➖

سبحان الله وبحمده سبحان الله العظيم 💙

........................................................................

رحمه

وبعد ثلاث ايام رجع أبي كان
شكله مريض عمي حامد جلس عندنا وطبعا رافد
قاله كل شي حصلت لي بهذله صدق يعني هو
بقصدي لما يرجعوا كل شي عليا المهم أبي بخير منه
كله وانتشر خبر انو أبي مريض ورجع السبب كله على وتين اللي محد داري اينهي

عمي حامد أصر على أبي انو يمشو القريه جدتي تشتي تبصر ابي بالقوه وافقوا ننزل معاهم جدتي استقبلت ابي بالبكاء

مكين : انا بخير يمه والله بخير بس لا تبكي

مريم : افددي قلبكك ياابه محدد خليني اجي عنددك

جدتي مسكت به وهذاك المسكه خلت الكل يبكي حتى ابي عيونه دمعين

زهور : ماتبصري قدامك بخير مامعك تفاولي على الرجال

ولاسمعت لحد مدت ارجله وخلت ابي يرقد عليهن وكل ساع تمسح على رأسه وتحبه وابي يضحك

مكين : يمه انا مش جاهل تعملي بي هكه هههههه

مريم : والله ماتخرج لمكان اجلسي هونه عندي وخلاني بس ابصرك خارج

غمض عيونه وضحك بهدوء دخلنا غيرنا ثيابنا الغداء كانت جاهزه أذن الظهر دخلنا نصلى وأبي كان راقد على أرجل جدتي ماخلتني اقيمه نظفت الغرف حقنا

وبالليل كنت راقده سمعت صوت الباب يدق

رحمه : من

مكين : انا اطلعي بعدي

أبصرت الساعه 11 وربع طلعت للغرفه

مكين : قيمتك وانتي راقده

رحمه : عادي يابه ماتشتا

مكين : شلي ثيابه وكل شي حقه

رحمه : ها

خرج جلست مستغربه يالله عادي اني شحتفظ بهم
لابد يوم ماترجع وتين أبصرت الحجابات حقه
والقمصان صدق يقولوا اللبس على لباسه اني
مالبست مثلهم احسهم حق الكبار بس لما بدينا نكبر
ابي اشتري لي وتين منهم وهي كانت الهبله فرحه
بهم ماكنت تدري انو هذه لبسه دايما المهم كبرنا واذا
لبست غيرهم تحصل من أبي كلام اوف مسرع الأيام
تمشي

نزلتهم معي للغرفه ورجعت رقدت لثاني يوم
ماابصرت الشنطه اني متأكده انه كانه بالغرفه

رحمه : بسمه الشنطه اللي بالغرفه اينهي

بسمه : ماهي من شنطه

رحمه : كبيره حق ثياب اني امس خليته هونه لما قمتي ماابصرتي

بسمه : ماابصرته والله