أنت قدرى لرونى محمد

الفصل الثانى

الفصل التانى

" سبحان الله وبحمده سبحان الله العظيم "

كانت كالتائهة وهى تستمع الى حديثهم لا تفهم شيئا ونظرات ذلك البغيض تخنقها لتقف مبتعدة قليلا قائلة

- : فرح ايه انا مش فاهمة حاجة ..

ابتسمت هدى وهى تجلس جوار زوجها تشير له ليؤيد حديثها فقالت
-: فرحك انتى وحضرة العمدة شوقى

اتسعت عينى ملك وهى تنظر لذلك الرجل الفظ صاحب الشوارب الكبيرة وهو يحرك اصبعيه عليه بارما آخرهم فاعترضت قائلة
-: انا يستحيل اوافق على الجوازة دى .. انا اتجوز ده طب ازاى ..

وقف شوقى مقتربا منها متصنعا الحزن فقال
-: وليه الزعل ده بجى .. ما تعقل بتك عاد يا مرزوق .. دى بتقول عليه " ده" .. ايه مش راجل انا يملا العين ولا ايه ..

وقف مرزوق سريعا خوفا من زعل شوقى الذى ربما سيجعله يصرف نظرا عن تلك الزيجة ، ليلتفت الى ابنته وهو يرفع سبابته امام وجهها قائلا
-: بت انتى ملكيش كلمة بعد كلمتى وفرحك على العمدة هيكون  فى خلال اسبوعين ..

لم تتحمل ما يحدث لتقرر ان تعود الى غرفتها تختبئ بين جدرانها وتبكى كما تفعل دائما ..

اما مرزوق فعاد الى شوقى ونظر له بجدية قائلا
-: معلش يا عمدة انت عارف كويس دلع البنات انا هجبهالك لغاية عندك نكتب الكتاب ونعمل الفرح كمان .

تحرك شوقى خطوتين ناحية باب الشقة ليقول
-: وانا هستناكم ده انا هعملها فرح البلد كلها تحكى بيه ..

ابتسمت هدى واسرعت بخطاها خلفه قائلة
-: طط طب والمهر يا خويا احنا متفقناش ..

حرك شوقى عينيه فى ارجاء المكان وقال
: ولله بنتكم تتاقل بالدهب بس مش هدفع غير ١٠٠ الف بس.

لوت الاخرى شفتيها وتحدثت معه وكانها تساومه على قطعة اثاث او شيئا سيشتريه فقالت
-: مش شوية يا حضرة العمدة ده البت زى القمر اهيه قدامك .

هز شوقى راسه بالرفض وقال
-: لا انا مش دافع جنيه زيادة وزى ما جولت الفرح هبلغكم بيه عالتليفون ياريت تجهزوها ..

انهى شوقى حديثه وخرج من المنزل ومعه رجاله بينما وقفت هدى تقلب المبلغ براسها وقالت
-: حلوين رضا .. هو احنا يعنى كنا طايلين طول عمرها كانت بوز فقر مبيجيش من وراها حاجة عدلة ..

قاطعها مرزوق الذى قال بابتسامة بلهاء
-: هه هنعمل ايه بالفلوس دى ..

هدى : بعدين مش وقته مش عاوزة البت تعرف حاجة خلينا نبقى نتكلم بعدين ..

اما شوقى فحينما تخطت قدمه اعتاب تلك البناية خارجا منها فوجد حمدى ابن اخيه يقف امامه بالمرصاد واسرع بخطاه نحوه قائلا
-: ها يا عمى بشرنى طلبت ايد العروسة ولا ايه ؟