Unicode
"ဒီနေ့ဘယ်နှစ်ရက်နေ့လဲ"
သူငါ့ကိုမေးတဲ့အချိန်မှာ တစ်ချက်ကြောင်အသွားပေမယ့် ပြက္ခဒိန်ကိုခပ်သွက်သွက်ကြည့်ကာ ပြန်ဖြေပေးခဲ့သည်
"ဒီနေ့က လနှစ်ရဲ့ ခုနှစ်ရက်မြောက်နေ့လေ"
သူဘာမှပြန်မပြောတော့ ငါလည်းပေါ့ပါးတဲ့လေသံလေးနဲ့ထပ်ပြောကြည့်လိုက်တယ်
"Valentine's dayရောက်ဖို့ကသုံးရက်ကျော်ကြီးတောင်လိုသေးတာပဲ"
မဲမှောင်နေတဲ့မျက်နှာအမူအရာနဲ့ ထလာပြီး အိမ်ထဲပြန်ဝင်သွားလေသည့် သူ့ကိုကြည့်ရတာတော့ Valentine's dayမဟုတ်ပဲ Qingmingပွဲတော်မှာပဲ အချိန်ဖြုန်းချင်တာဖြစ်ရပါလိမ့်မယ်။
အဲ့ဒီအကြောင်းကိုတွေးမိသွားတော့ငါ့မျက်နှာပေါ်ကအပြုံးတွေကတဖြည်းဖြည်းပျောက်ကွယ်သွားခဲ့ရတယ်။
ထိုသူ့အတွက်ကတော့အဲ့ဒီနေ့ကQingmingပွဲတော်ရက်ပါပဲလေ။
သူဒီနေ့လိုလိုလားလားနဲ့ငါ့ကိုစကားပြောချင်စိတ်ရှိခဲ့တာကိုပဲ တကယ့်ကိုပျော်ရွှင်ရပါပြီ။သူနဲ့ငါနဲ့ တစ်အိမ်ထဲအတူတူနေပေမယ့်လည်း ငါ့အပေါ်ဆက်ဆံတာကပရိဘောဂပစ္စည်းတစ်ခုလိုပဲ...အကြည့်တစ်ချက်စွန့်ကြဲတာတောင် လုံးဝမရှိသလောက်ပဲ။
ငါတို့ကအချင်းချင်းအမြဲမြင်တွေ့နေကြရပေမယ့် သူနဲ့ငါကြား ဆက်ဆံရေးကဘယ်လောက်တောင်ဝေးကွာနေလဲဆိုတာကို မြင်ရတာဝမ်းနည်းဖို့တော့ကောင်းတယ်။
သူငါ့ကိုရုတ်တရက်မေးခွန်းထမေးလာရတဲ့အကြောင်းအရင်းကိုစဥ်းစားကြည့်လို့ရတယ်လို့တော့ ထင်တယ်။
ဘာကြောင့်လဲဆိုတော့ လာမယ့်ရက်အနည်းငယ်အတွင်းမှာ သူနဲ့ငါနဲ့အတူတူနေတာတစ်နှစ်ပြည့်ပြီလေ ပြီးတော့သူ့ချစ်သူပျောက်ကွယ်သွားခဲ့တယ့်တစ်နှစ်ပြည့်နှစ်လည်း ဖြစ်နေပြန်တယ်။
ငါလည်းသူနဲ့Valentine's Dayနေ့ကိုအတူတူကုန်ဆုံးချင်တာပေါ့။
ဒါပေမယ့်..ငါပြောမထွက်နိုင်ခဲ့ဘူး။
ငါပြန်ရောက်လာတယ့် ပထမလမှာပဲ ငါဟာသူ့ချစ်သူမဟုတ်ဘူးဆိုတာကို သူရှာတွေ့ခဲ့တယ်။
ငါအရင်တုန်းက အတိတ်မေ့ရောဂါ ရနေတာများလားလို့သူတွေးမိနိုင်လောက်မလား။ ဆိုပေမယ့်လည်း ငါနဲ့အဲ့ဒီလူ ကအတော်လေးကွာခြားမှုကြီးလို့ဖြစ်လိမ့်မယ် သူကမထိန်းနိုင်တော့ပဲ ငါ့ကိုတိုက်ရိုက်ပြောလာခဲ့တယ်
"မင်းက ကျစ်အန်း မဟုတ်ဘူး"
ငါပြောချင်ခဲ့တယ် ငါက ကျစ်အန်း အဖြစ်အမြဲတမ်း ရှိနေခဲ့တာပါလို့။ဒါပေမယ့်အယုံအကြည်မရှိပဲ မေးခွန်ထုတ်ချင်နေတဲ့ သူ့ရဲ့သေချာတဲ့အကြည့်တွေနဲ့ရင်ဆိုင်လိုက်ရတော့၊ငါချက်ချင်းသဘောပေါက်သွားခဲ့တယ် သူပြောနေတဲ့ကျစ်အန်း ကဘယ်တစ်ယောက်လဲဆိုတာကိုပေါ့။
YOU ARE READING
His Present (Myanmar translation )
Short StoryNot owned just fun translation Both Unicode and Zawgyi Shark's first work Author-又蓝 Original work-他的礼物
