Unicode
ကျီချင် ကကျစ်အန်းအကြောင်းကို ငါ့ဆီကနေအစ်အောက်နေရတာကြိုက်ပုံပဲ။သူက ငါနဲ့မျက်နှာချင်းဆိုင်ဖို့လေးကိုတောင် ငြင်းပယ်နေပေမယ့် အဲ့ဒီလူနဲ့ပက်သက်တဲ့အရာရာတိုင်းသိချင်နေတယ်။
"သူဘယ်အချိန်ပြန်လာလောက်မလဲ"
ကျီချင် ဒီမေးခွန်းကိုမကြာမကြာမေးလေ့ရှိတယ်။
ငါကလည်းရိုးရိုးသားသားပဲပြန်ဖြေပေးခဲ့တာပါ
"သူပြန်လာလိမ့်မယ်လို့တော့ငါမထင်ဘူး"
ငါ့ခန္ဓာကိုယ်ထဲမှာ အဲ့ဒီလူကအချိန်ခဏလေးပဲနေသွားခဲ့ရုံပါ အဲ့ဒါကို အခုလောက်လူကြိုက်များသွားလိမ့်မယ်လို့ ငါမမျှော်လင့်ထားမိဘူး။အခုတော့ ငါ့ပုံစံက မက်ပီး ရဲ့အသိုက်ထဲနေရာဝင်လုထားတဲ့ ခိုတစ်ကောင်လိုဖြစ်နေပြီ။
ကျီချင် ထပ်ပြီးတိတ်ဆတ်သွားပြန်တယ် အဲ့ဒါနဲ့ငါလည်း အပြုံးလေးနဲ့သူ့ကိုမှီလိုက်ပြီး အကြောင်းအရာပြောင်းပြောကြည့်လိုက်တယ်
"ဒီနေ့ရုပ်ရှင်အသစ်တင်မှာတဲ့ ငါလိုင်းပေါ်ကရီဗျူးတွေဖတ်ကြည့်ရတာတော့ ကောင်းမယ့်ပုံပဲ မင်း သွားကြည့်ချင်လား"
သူကချက်ချင်းပဲ သားရဲတစ်ကောင်ကိုတွေ့လိုက်ရတဲ့ပုံစံနဲ့ ငါ့ကိုကြည့်တောင်မကြည့်ဝံ့တော့ပဲ သူ့အခန်းထဲကိုပဲအလျင်စလိုပြန်ဝင်သွားခဲ့တယ်။
ငါ မျက်နှာကရှုံ့မဲ့သွားခဲ့တယ်။သူကတကယ့်ကိုအပျော်ဖျက်ဆီးတဲ့လူပဲ။
အဲ့ဒီ ကျစ်အန်းက ငါ့ခန္ဓာကိုယ်ထဲမှာ နှစ်နှစ်လောက်ပဲနေခဲ့ရုံပါ။အဲ့တာပဲ တော်တော်လေးသနားစရာကောင်းနေပြီ၊ အရင်ကဖြစ်ပျက်ခဲ့သမျှကို အခုချိန်ထိ ငါ့အနေနဲ့ အချိတ်အဆက်မမိသေးဘူး။အဲ့ဒီလိုမဖြစ်ခဲ့ရင် လူတွေလည်းအချိန်တိုအတွင်း ငါနဲ့အဲ့ဒီလူကြားကကွာဟချက် ကို မဖော်ထုတ်နိုင်အောင် ငါကလည်းသူ့ပုံစံကိုနည်းနည်းပါးပါး အတုခိုးလိုက်မှာပေါ့။
ငါအလုပ်တွေ လည်းပြောင်းလိုက်ရတယ်။ကျစ်အန်းအတုက စတူဒီယို ဆရာအဖြစ်နဲ့အလုပ်နှစ် နှစ်ဝင်ခဲ့တယ်လေ ပြီးတော့ ငါကလည်းပန်းချီနဲ့ပက်သက်ပြီးနကန်းတစ်လုံးတောင် မသိဘူး။အလုပ်ကထွက်ပြီးတဲ့နောက်မှာတော့ ပရိုဂရမ်ရေးဆွဲတဲ့အလုပ်ကိုလျှောက်လိုက်တယ်။ကံကောင်းထောက်မစွာနဲ့ ငါ့ရဲ့ဘွဲ့တွေကြောင့်အလုပ်ရှာရတာမခက်ခဲခဲ့ဘူး။
YOU ARE READING
His Present (Myanmar translation )
Short StoryNot owned just fun translation Both Unicode and Zawgyi Shark's first work Author-又蓝 Original work-他的礼物
