Chazter's PoV
Tulad ng sinabi ni Detective Hunter, matapos madischarge ni Nikoshii sa hospital ay dinala namin siya sa institution kung saan dito isinasagawa ang test for people with mental illness.
Akala ko nung una magagalit or tatanggi si Nikoshii pero matino siyang sumama sa amin at parang walang pakialam kung ano man ang iniisip namin sa kanya.
Pumasok na siya sa room kung nasaan si Doktora Daskova dahil si Doktora ang gagawa ng test niya.
Specialty at field kasi ni Doktora Daskova ang mga Serpent Devil. Siya ang pinakamagaling pagdating dito... walang takas talaga ang mga Serpent Devil sa kanya.
Sabi ni Doktora Daskova aabutin daw ng limang oras ang test dahil mahaba daw ang proseso kapag Serpent Devil ang pinaguusapan.
Bumalik muna kami ni Detective Hunter sa bahay ni Kuya Greg upang balikan ang imbestigasyon.
Naalis na din ang mga katawan ng tatlong lalaking pinatay sa loob ng bahay ni Kuya Greg. Mga bakas na lang ng dugo ang naiwan at chalk marks kung saan natagpuan ang kanilang katawan.
Lumapit sa amin ang mga forensic investigator at iniabot kay Detective Hunter ang mga nahanap nilang ebidensya.
May nakuha silang patalim, gloves at parang medium coin sack.
Iyon yata yung sinabi ni Nikoshii na inilagay sa ulo niyang bag na mukhang coin sack.
Sa mga description ng mga forensic investigator... Medyo tumutugma sila sa statement ni Nikoshii kanina.
Not until may record ng cctv ang nahanap mula sa mga nakakalat na poste ng ilaw. May dalawang footage ang nakitaan ng anggulo sa gabing iyon.
Pinanood namin ang footage na nakuha mula sa cctv.
Bandang 11 p.m may pumuslit na tatlong lalaki sa bahay nila Kuya Greg.
Napatampal ako ng noo dahil totoo nga yung kutob ko. Walang kandado yung gate nila Kuya Greg. Pero hindi lang iyon ang napansin namin... After 5 minutes may isang lalaki ang sumunod na pumasok sa loob ng bahay. Wala ng nakapansin sa kanilang pagpasok dahil wala na din tao sa mga oras na iyon, napakatahimik na ng paligid.
Pansin ko na yung huling lalaking pumasok sa bahay nila Kuya Greg ay siya yung lalaking nakita kong lumabas at kumaripas ng takbo. Yung lalaking naka dirty green hoodie.
Medyo finastforwad na namin yung footage. After 1 hour ay doon na lumabas yung lalaking tinutukoy ko... Saka naman sumunod si Nikoshii sa kanya ngunit hindi na niya naabutan yung lalaki.
At ayon sa description ni Nikoshii... Naka prosthetic mask yung lalaking pumatay sa tatlo. Ayon sa kuha ng cctv... Nakuhanan nga na may suot ang lalaki na prosthetic mask at may iniwan din itong mga foot marks dahil sa dugo. Tumugma lahat ng sinabi ni Nikoshii.
Sa kabilang footage naman... Nakuhanan dito kung saan dumaan at tumakas yung lalaking nakahoodie. Tinalon niya ang bakod kung saan patungo iyon sa boundary ng Tuwasan Street. Ibig sabihin maaaring doon nagtago ang lalaking iyon.
Matapos namin sinuri ang mga nalakap na ebidensya ay pansamantala munang umalis si Detective dahil pinapatawag siya ni Chief officer Danelo Huangcho. Mukhang nastress din si Sir Danelo sa nangyaring krimen.
Ilang sandali ay tumunog ang cellphone ko. Kinuha ko iyon at nakitang nagflash sa screen ang pangalan ni Kuya Greg.
Hindi kaya umabot sa kanya yung balita tungkol sa step-sister niya?
Huminga ako ng malalim bago ko sinagot ang tawag ni Kuya Greg.
"Kuy---"
[Pasensya na at bigla akong napatawag, Chazter. Busy ka ba?...]
BINABASA MO ANG
The Innocent Serpent Devil
Mystery / ThrillerAyon sa paniniwala ng iba... Ang mga Serpent Devils daw ay ang mga taong may itinatagong kasamaan. Sila ay gumagawa ng masama sa kanilang kapwa... Tinatawag din silang mga psychopaths. Marami ang natatakot sa kanila sapagkat napakadelikado nilang mg...
