وثقتها فنفسها واسلوبها فالكلام للي كانت كتكلم بسلاسة وبدون اخطاء حتى من العناوين ولاشاعات اللي كانت خرجات عليها بفضل الخطة ديال جورج تغيرو فالحال وباش تعرفو ان الاشخاص للي فالمواقع التواصل للي كاتكون عندهوم صفحات الاخبار دغيا كياثرو فمحدودين التفكير للي دايريين كي القطيع الريح اللي تجي تديهم داك الحسد والغيرة والحقد والمعيور للي بينوه ولا حب لحد ماشافوها مع جورج الخاتم فيديها كانتمنا ا امنياتي ماتكونوش من التبعة للي دغيا كيتلعب بعقلهوم
المهم تسالا الحفل المشاهير مشاو فحالهم الطلبة المنضمين كلشي خارج عيان بسيف وهوما السيمانا كلها وهما كيخدمو وتنضيم للي كان فوق المتخيل بسمة اللي توادعات مع الفرقة وهي فرحانة باناها شافتهم وهي مزالة مصدومة من ان جورج كان مقرب ليهم وصديق ديال قائد ارام المهم مشات الواحد القاعة بدلات عليها لبسات تي شورت وسروال سبورتيف وسبرديلة عاد حسات براحة طالون هلكها فضهرها حلات شعرها حسات براسها غايطرطق خلات الميك اب تصبر عليه تاتمشي لدار اوا حيتاش ابعيدا على الجامعة بشي ساعة وهي ماقادراش تزيد تادقيقة بداك الحوايج من الصباح وهي بيهم جمعات حوايجها فساك وخرجات متوجها الباركينغ تهز طوموبيل عين مسدودة وعين محلولة بلعيا طافية وهي درب فجورج دايخة بنعاس وهي تطفج سمحلي ماشفتكش هو شاف فيها والفرق مابين الصبح ودابا كاتبان بحال شي بنت فالليسي مزالة صغيرة وهي نيت راه ماتبدبلاتش من الليسي
أنت تقرأ
إبن الجيران 🔥: حبي الاول والاخير 🤤❤️
Romance✔️قصة كاملة شبه حقيقية لبنت مغربية كتعاود على قصتها مع حبها الاول❤️ من اجمل القصص والروايات للي غاتقراوها حبوباتي نتمنى تنال اعجابكم ✔️ماتنساوش تصفحوا الروايات الأخرى ديالي متأكدة غيعجبوكم ، وشجعوني في الكمنت بكلمات زوينين بحالكم 💕💕
