طلعات ماماه ليطاج ديالو لقاتو دخل لواحد الغرفة لي ماكايخلي تاواحد يدخلها تعجبات و دخلات موراه كانت الغرفة فيها بزاف ديال رسومات وليطابلو ديال رسم خاويين وصباغة انواع واشكال ومكتب متوسط باينة غرفة ديال ولد مراهق كانت مضلامة وطابلو كبير فيه فراشة للي الوانها كايجيبو البهجة والفرحة طابلو اصغر منو فيه رسمة لطفلة صغيرة اكيد عرفتوها اللي هي قمر دخلت ماماه الغرفة بان ليها جالس فالمكتب وحاط راسو بين يديه وملامحو جامدين
لالة اسماء مافاهمة والو ولدي ياك لابس مالك
نوح والو الوالدة
لالة سلمى لي عارفة كاينة شي حيتاش هاد البيت ماكيدخليهش ديما او بلاحرى مادخلوش من هادي زمان يلاه بغات تولي تسولوا وهو يصوني ليه تيليفون
نوح جاوب على لخط بانليه المساعد ديال بابه لي فالشركة , تكلم
المساعد : سلام مستر نوح عفاك اجي المستشفى ديالكم دبا مستر اسحاق جاتو نوبة قلبية وحالتو مامستقراش
نوح كيفاش هاني جاي دابا عيط لقاع لي بروفيسور ديال الاطباء دابااااا
نوح تصدم حيتاش هادشي على غفلة مستر اسحاق معروف بلايقة ديالو وانسان متوازن تامن الماكلة كاياكل غي الاكل الصحي بصح الاقدار بيدي الله
لالة سلمى ولدي ياك لاباس مالك شنو واقع خلعتيني
نوح شاف فيها وحنا راسو الواليد داوه المستشفى
لالة سلمى شنوو كيفاااشش مالو شنو وقعلو دوي اولدي كاتكلم وشادة لنوح فيديه
نوح تكلم معايا المساعد ديالو وقالك بلي جاتاو نوبة قلبية ولاكن مالتخافيش كلشي غايكون بيخير انا دبا غانمشي المستشفى ديالنا راه داوه لتما باش ماتوصل تاحاجا الصحافة من الاحسن
لالة سلمى واخا غانمشي معاك
نوح الواليدة بلامتعدبي راسك شنو غاتبقاي ديري تما
لالة سلمى ووالللوو ديني معاك ولا والله ماديتيني معاك تانمشي بوحديتي سمعتي
نوح والله الواليدة غير كاتعاندي مالكي
لالة سلمى كلمتي انا قولتها دارت وماشيا متاجها لبيتها باش تلبس عليها شي عباية وهي كاتكلم فنفس الوقت ولاهيلا عمرني سمعت راجلي مريض ولا وصلات بيه يديوه لطبيب وكايقولك بلاش لا نتا ليعبرتي غنمشي عند راجلي هي غانمشي
نوح معصب ومصدوم وخايف على باه تجمعو عليه كاع المشاعر الخايبين
أنت تقرأ
إبن الجيران 🔥: حبي الاول والاخير 🤤❤️
Romance✔️قصة كاملة شبه حقيقية لبنت مغربية كتعاود على قصتها مع حبها الاول❤️ من اجمل القصص والروايات للي غاتقراوها حبوباتي نتمنى تنال اعجابكم ✔️ماتنساوش تصفحوا الروايات الأخرى ديالي متأكدة غيعجبوكم ، وشجعوني في الكمنت بكلمات زوينين بحالكم 💕💕
