مشاو وقفوا حدا واحد الطاولة بقات كاتهضر معاه وهو مكيسمعش داكشي للي كاتقولو ساهي فيها وفطريقة هضرتها ومامتيقش بللي حبيبتو حداه
بسمة : وااا نوح واش كتمعني ولا فين هو بالك
نوح : بتاسم وشدها من خصرها وجرها عندو .. مالك على هاد زين كامل ااممم
بسمة يلاه غاضحك وتفكر فين هوما: اويلي طلق المسخوط طلق الناس كايشوفو فينا
نوح : خليهم يشوفو الحب
الصحافة اللي كانو تما ولا همهم الوحيد هو نوح و بسمة ويعرفو شنو بيناتهم وشكون هي ... بقات شحال بسمة هي ونوح كايهضرو تاجا عندو شي حد قاليه يتلكم لشي شخص ، بسمة غير مشا جاتها القنطة والملل بقات كاتسنا وتشرب فداك العصير جابولها نوح خيفها لاتهز الشراب وتسكر ليه تما 😂😂 وهي اصلا كدير شوهة وهي صاحية .... كانت واقفة تاشافت الضو خفات و حتى من الموسيقى تبدلات ورجعات ستيل كلاسيكي ...بسمة كتشوف راجل لي كانت معاه شي مرا ولا لقا شي مرا واقفة بحدها كيطلب منها ترقص معاه ، بسمة كانت كتفرج تاوقف عليها واحد شخص : انسة وخا تشرفيني برقصة معاك
بسمة حشمات تقوليه لا ، بقا كيرقص معاها واخا ماكاتعرفوش وصارحة تاهو ماقصهاش بشي طريقة لي تضيقها بيها ضورات راسها لبلاصة فين كانت واقفة لقات نوح تما ضخان خارجليه من ودنيه ، غير شافتو هكاك وهي طلق من داك خينا ومشات دغيا عند نوح
بسمة: واش تقلقتي ، راه طلب مني نرقص معاه وماعرفت شنو ندير
نوح: عرفتي شكون هداك 😏 ، هداك اكبر عدو لشركة ديالنا ، وشحال من مرا حاول يهاكي القناة ديالنا بش يسبب إنخفاض الاسهم ديال الشركة ولكن للاسف موصل لتاشي حاجا ، دبا عرفتي معامن كنتي
بسمة شوية وتبكيليه تما وتشوهو 😂 : ولا لا والله مادرتها بلعاني ماعرفتوش وانا ماعرفاش بلي عندكم اعداء للشركة
هو شافها هكاك وهو يجرها من يديها ودخلها الوسط وبقو كيرقصو ، سيدا حساب ليها راسها سندريلا والاحلام الوردية (وصارحة هي للي جات معاها دايا تيتيز ماحسدناهاش 🤡)
وقفات المسيقى وكلشي رجع لبلاستو الا نوح شد بسمة فاش بغات ترجع صافي عند بالها غيرجعو كيف ݣاع الناس ، بقاشد فيها كيف العمى فالضلمة شوية دارت شافت الناس واش كلهم رجعوا لبلايصهم ولا بقاين وحداخرين من غيرهم و هي تشوف الكميرات كلهم ديال صاحفة متوجهن ليهم هي ماعرفات مادير دارت عند نوح لقاتو راكع وهاز بواط ديال الخاتم فيديه تصدمات ماعرفات ماتدير
نوح كلامو كان كلو بالانجليزية : حبيبتي و بنتي واجمل شخص شفتو فحياتي ، واش تقبلي تزوجي بيا ا فراشتي
بسمة دموعها نازلين ماكياج مابقا ماكياج غير كاتبي وتعيط للي يبكي معاها ، هزات للي راسها بمعنى موافقة بتاسم وركب ليها الخاتم فيديها يلاه غايبوسها من فمها وهي تعنقو اويلي غايشوها وعاد تفكرات الصحافة ناري صافي مشات فيها من عائلتها همساتليه فودنيه : مشيت فيها بسباب 😢 ناري الصحافة هنا ضعت 🥺😭
نوح ماعندك مناش تهافي ازين 😉
بسمة: كيفاش معندي مناش نخاف نتا للي غاتسمع لمنقي خيارو فعاوطي ولا شنو
نوح : لا الحب السيمانة جايا نهار الاربعاء جاي نخطبك العمر ديالي
بسمة : حلات عينيها على وسعهم نقزات بصاح حلف ( طارت عليه وعنقاتو ) كانبغيك احبيبي
نوح : اااه وكتخرج بحال لعسل من فمك ❤️😩 ودار يديه على قلبو
هي حشمها ضرباتو على سدرو 😂 مافهمتش هاد البنت فوقاش تعلمات الحشومة انا تصدمت نتوما تصدمتو 🙄
دازت ديك اللية من احسن اليالي واحسن ذكرى غتبقى متوثقة فاذهانهم وحتى عند العالم .... سلا الحفل ومشاو بحالهم نزلها نوح حدا الفيلا حيتاش ضلام الحال ودنيا خاوية
غير دخلات على الباب وهي تلقا حسنة واقفالها فوسط الفيلا غير شافتها جات كاتجري عندها
حسنة: ازغبيا شنو درتي والله يالمسخوطة كوماكنت انا لابتيها هاد ليلة فهاد دار
بسمة : اواه شنو وقع ناري ماتقوليليش شافو الاخبار
حسنة :و حيتاش كاينة انا ماشافوش الاخبار الكلبة ناري بقيت كانرعد ابنت الحرام طيحت ضو فديك الوقيتا
بسمة كتفرنس : هههه واعع طرت مايسحابليش غاتغامري على ودي ازين 😉😂😂😂
حسنة: اوا لمسخ نتي لي جامعاك ضحك سري انا لي كانطير من هنا ونجي لهليه خايفة لايشوفو الفيديو هي راغاتفرشي غاتفرشي مي ماشي فها لوقيتة ابنت الذين
بسمة: آخر الاخبار نوح غايجي يخطبني نهار الاربعاء
حسنة : وايليي بصصاااححح اي اي اي ناري فرحتليك (طارت عليها عنقاتها وبقاو كاينغزو بجوج تاشافت حسنة كاتبكي غير شافتها بسمة اوا ودوزوها بكا ، سيدة كاع مامشات تنعس مع راجلها خلاتو وجات تنعس مع بسمة باش تعرف المزيودة كلها
......
بسمة غير صبح صباح فطرات وشدات جداتها وخالها وقالتلهم بلي نوح غايجي يخطبها ، هوما تصدمو واسيدا راجل للي يجيبوه ليها تجري عليه وتقوليك انا مزالا صغرة ودبا مابقاتش صغير ، سولوها عليه وامسلم اوا عاودات ليهم المزيودة على شكون عائلتو وبلي باه واخا اجنابي سلم قبل مايتزوج بمو ، تسنات لعشية باش تهضر مع باها ومها وخبراتهم بكلشي منين عرفو العريس فرحو ماقالولها والو من غير تمناو ليها غير الخير ، دازو دوك اليوماين فالتوجاد بسمة هضرات مع نوح وقالتلو بلي خبرات عائيلتها ورحبو بيهم و جا نهار الاربعاء وبنتانا مستريسيا على صباح ، غسلات ولبسات عليها وبقات كاتعاونهم فالتوجات تاجرات عليها جداتها ، فاش قرب الوقت لي غايجيو ، لبسات قفطان خفيف فالابيض وزرف لاحتو على شعرها ، جاو سي نوح فاش شافها بالبلدي وزيف طاح فيها طيحة خيبة 🥺❤️
دارو صواب وطلبو بسمة لنوح على سنة الله ورسوله وتا من لالة مريم حبات بسمة وجاتها بنيتة مربية ( صراحة هي مربية غير هي كي جن ) .... تافقو على موعد العرس للي قررو انه يكون فالمغرب وبضبط فاس ، الالة تقاليد ديالنا لايعلى عليها ، تافقو على ان العرس يكون مور تخرج بسمة و نوح من الدكتورة يعني فالصيف الجاي
أنت تقرأ
إبن الجيران 🔥: حبي الاول والاخير 🤤❤️
Romance✔️قصة كاملة شبه حقيقية لبنت مغربية كتعاود على قصتها مع حبها الاول❤️ من اجمل القصص والروايات للي غاتقراوها حبوباتي نتمنى تنال اعجابكم ✔️ماتنساوش تصفحوا الروايات الأخرى ديالي متأكدة غيعجبوكم ، وشجعوني في الكمنت بكلمات زوينين بحالكم 💕💕
