إبن الجيران 🔥: حبي الاول والاخير 🤤❤️

Part45

عند نوح اللي كان عندو موعد مع واحد من اشهر الممثلين و مدير الاعمال ديالو، وكان معاهم المساعدة ديال نوح ، نوح كان كيتكلم مع مدير الاعمال ديال الممثل وشوية هو يشوف داك الممثل سارح وكيغمز لشي دار بغايشوف وهو يصعر كيفاش هاديك اللي كيشوف فيها الممثل هي بسمة و لا غير جابليه الله دار عندهم وستأذن منهم وناض تابع بسمة غير دخلت لجيهت كولوار ديال لي طواليط وهو يجرها ويخبطها عندو ، جاوجهو مع وجها وكايشوف فيها وهو مغوبش العافية خارجاليه من عينيه ، وهي مصدومة وفرحانة وفيها البكية مخلطا عليها الدعوة
نوح : اشنو جايا كاديري هنا امممم
بسمة عاد وعات على راسها: طلق طلق اسميتك طلق سوقك فيا شكون نتا باش تسولني هاد سؤال ولاهيلا سيد ماكفاتوش صحيبتو ولا حبيبتو جاي يتحكم فيا انا
نوح: اش كاتخربقي نتي عاود ، عارفة راسك شنو كاتقولي ولا غير كاتخربقي 😠 هاديك راها المساعدة ديالي ودابا انا خدام
بسمة: ايوا مزيان ، مالي انا سوقي فيك دير للي بغيتي ياااء
نوح : دابا هضري بلا تبرهيش معامن جايا هنا ولاش جايا هنا اصلا
بسمة : شفت دارجة تسرحاتلك دابا ياك ، نكون جايا تا معا جيحا الكحلة ، شكون نتا باش نفسر ليك شنو كاندير ، عزيز عليك تغبر ، وتجي تحكم فيا انا ولا شنو
نوح : بسمة خاصنا نهضرو
بسمة: ماعندنا فاش نهضرو ،، ودبا طلق مني خليني نمشي بحالي
نوح : ماعندك فين تمشي غتيقاي معايا
بسمة: كيفاش هاد غتبقاي معايا جديدة هادي حيد عافاك (يلاه وهي غاتكمل الهضرة وهو يبوسها من فمها بلوكاها )
بعد عليها وقال : بسمة بلا ماتقصحي راسك معايا ماشي مابغيتش نقوليك شكون انا ولكن ماعرفتش الطريقة للي نقوليك بيها ونتي كنتي كاتعاملي معايا بداك طريقة معرفتش شنو ندير ولكن تيقي بيا كنت باغي نقوليك كلشي
شاف فيها القا الدموع شلال ماشي غير كاتبكي
نوح : بسمة ملك كتبكي ششووو ( بقا كيمسح ليها الدموع من عينيها وهي كتشهق بالبكا ) بسمة متبكيش هاكا والله راه منقدرش نسامح راسي فاش كانششوفك هاكا سمحيلي بزاف والله
بسمة غير قال داك الهضرة زادت فالبكا عنقاتو وبقات كتبكي وتهو عنقها وجاتو البكية مسكين (ناري بقا فيا 😢)
نوح: بسمة (هز وجها بيديه وشافت فيه بعينين مدعين مسح ليها دموعها ) بسمة حبيبتي عمرني نسيتك وعمرني قدرت نبغي شي وحدا من غيرك اسرتي قلبي وانتي صغيورة .. و تغرمت بيك وانتي كبيرة ، عمري مالقيت شي وحدا بحالك وعمري ماغانلقا شي وحدا بحالك ، انتي حبي الأول والأخير i love u my little butterfly 🦋✨
بسمة ماقدرات تقول تاشي كلمة هي فرحانة بزاف ماقادراش تزيد تخسرو خصوصا وهو حبها الوحيد، بسمة شافت فيه وبتاسمات ابتسامة كلها فرحة وتعلات على صبعان رجليها وباستو فحنكو  وحنات راسها
نوح غير دارت هاد الحركة صافي مابقاش صابر نزل لمستواها ودخلو فقبلة للي كتعبر على كل مشاعرهم واشتياقهم لبعضهم ... وفهاد اللحضة كتكون اعلان لحبهم الحقيقي وكأن العالم كامل عامر بالحب ديالهم ...