الحب أكبر من كل شيء

الجزء (10)

#الحب_أگبر_من_گل_شيء

الـحـلـقـة (10)

گـتـابـتـي #Koka_Saleh

:::::::::::::::::::::::::::::::::::::::::::::::::::::::::::::

‏"العلاقات ليست بالمُدَّة، إنَّما تكون بالمودَّة❤️."

:::::::::::::::::::::::::❤️❤️::::::::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

بعد وقت مالمرجى وصلت أميرة للمستشفى ولقت الكل مازال في انتظار العملية

تغريد طول الوقت خايفة وتبكي وعمر جنبها والكل ايحاول ايهديها

/
/

وبعد 5 ساعات متواصلة من أصعب ساعات الإنتظار علي تغريد
وأخيرا طلع الدكتور وجوه كلهم يجرو واولهم تغريد اللي صبت قدام الدكتور وقعدت اتشوفله بتوسل ومش قادرة تنطق حرف

عمر مسك يدها وشد عليها زين / ها يادكتور طمنا

الدكتور نزل راسه /  عظم الله أجركم

تغريد قعدت اتعيط واتخبط في روحها

تغريد تبكي وبصوت عالي /  لا ياربي لا مش هما الاثنين

عمر قعد يمسك فيها وايحاول ايهديها

عمر وهو يمسك فيها / اهدي تغريد مش هكي

تغريد من كثر العياط والبكى صارلها انهيار ومعش حكمو فيها

لعند جاها الدكتور وحقنها ابرة مهدئ وقعدو الكل جنبها لعند ناضت

تغريد ادموعها علي خدها وماعاد عندها جهد الاي حركة من كثر اللي داراته

راقدة عالسرير وتبكي بدون صوت وجنبها  عالسرير من جيهة اليمين بيسان ومن جيهة اليسار أميرة
وامصبي عمر عند راسها ومحمد امصبي عند كرعيها

تغريد بصوت تاعب / قولولي اني في كابوس قولولي مش حقيقة قولو انهم قاعدين وماسيبونيش

أميرة حظنتها وقعدت تبكي وجت بيسان شورهم وحظنتهن وقعدن يبكن مع بعضهن 

عمر معش تحمل حالة تغريد
طلع برا وصبى قدام الدار  وقعد يمسح في ادموعه اللي نزلن وهو ايشوف في حالة تغريد واللي صار امعاها

وبعد ساعة خذاها عمر ورح بيها للفيلا  والباقي روحو امعاه

انفتح عزاء الأم تغريد مع العزاء القائم وماكان عندها اقارب ولا ناس بس جو عزو جيرانهم اللي جنبهم وبعد كمل اليوم رقت تغريد وهي منهكة وتاعبة الدارها

كملت ليلتها تبكي وعمر احذاها ماسيبهش دقيقة وهو ايحاول ايهديها مرة يبكي امعاها ومرة ايواسيها