الحب أكبر من كل شيء

الجزء (11)

#الحب_أگبر_من_گل_شيء

الـحـلـقـة (11)

گـتـابـتـي #Koka_Saleh

:::::::::::::::::::::::::::::::::::::::::::::::::::::::::::::

احببتك مرة واحدة ولكنها الى الأبد ♥

:::::::::::::::::::::::::❤️❤️::::::::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

طلعو مالفيلا وطول الطريق عمر ايهدرز التغريد وايغيرلها في جوها  ولا همه زعل غادة ولا فكر فيها
وقفل تليفونه بكل عشان يقعد مع تغريد براحته 😍

:
:

وبعد ساعتين وصلو المدينة البيضاء واتجهو للمزرعة واول ماوصلو ونزلو فيها وقعدت تغريد اتفرج عليها

المزرعة هذي مش كبيرة مقارنة بالمزرعة الاولى اللي التقو فيها وفيها حوش من طابق واحد
بس حلوة وبعيدة علي دوشة المدينة
وكلها زرع وورد وواضح الإهتمام والنظافة عالمزرعة لان كانو فيها عاملين ايجوها اسبوعيا يهتمو بيها واينظفو فيها

عمر خذا تغريد من يدها وفرجها عالمزرعة بالكامل وادهورو فيها كلها
وتغريد تغير عليها الجو وحست بنفسية أفضل وسط الطبيعة الجبلية اللي في جبلنا الحبيب 😍

ومن كثر ماادهورو ومشو في المزرعة حسو بالجوع

خشت تغريد للمطبخ عساس بدير حاجة سريعة بس مالقتش شي

عمر / خلاص خلينا نمشي انجيبو جاهز 

تغريد بخجل / باهي عادي نقترح اقتراح

عمر واعيونه عليها بكل حب / اوتي تأمري أمر

تغريد ابتسمت بخجل / عادي نكتبلك طلبات واتجيبهن وانطيب انا

عمر/ أنا بس مانبيش انتعبك

تغريد / مافيش تعب انا حابة انا انحب التطييب واجد ومن لما اجوزت ماعاد درت شيئ

عمر ابتسم / لو هالشيئ ايريحك حاضر بس شن رايك نطلعو مع بعضنا واتجيبي اللي تبيها

تغريد بفرحة / باهي

وطلعو مع بعضهم مالفيلا ومشو المدينة ومشو للسوبر ماركت وبدو يشرو طلبات حوشهم زي أي اثنين متجوزين

و عمر حاس بسعادة كبيرة وهو ايشوف في فرحة تغريد وان قدر ايفرحها ولو فرحة بسيطة
وطول الوقت ايشوف التغريد بنظرات اعجاب وهي تختار في الطلبات بروحها

وردو للمزرعة وقررت تغريد هيا اللي اطيب
خشت للمطبخ ونظمت الحاجات اللي جابتهن وعمر ساعدها فيهن

وهي بدت اتجهز للعشاء اللي بديره

عمر قمعز علي كرسي الطاولة اللي في نص المطبخ