#الحب_أگبر_من_گل_شيء
الـحـلـقـة (4)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
هُناك طمأنينة تسكن وجهك ، عند النظر إليك تستقر الفوضى التي بداخلي ♥️.
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
تغريد اتفكر / معقولة اللي حسيته تجاه عمر اول ما شفته واللي امس صارلي ايكون حب لا لا مستحيل انا هذي اول مرة انتلاقى بيه فيه حد ايحب حد بسرعة هكي 😟
بيسان /تغريد تغريد
تغريد انتبهت / نعم
بيسان ضحكن بخبث / من بدري انادي فيك اللي خذا عقلك ايتهنى بيه 😉
تغريد بإحراج / امعاك ماعندي من ياخذه عقلي 😊
تغريد/ احكيلي كيف حبيتو انتي وولد عمك بعضكم
بدت بيسان تحكي في قصتهم وتغريد منبهة امعاها ومنسجمة مع كلام بيسان وكل كلمة فيها حب يمشي تفكيرها شور عمر تلقائي بس هي قاعدة اتجاهد في عقلها ايبطل ايفكر فيه خايفة بيسان اتحس بيها
'
'
بينما البنات ايهدرزن ومنسجمان جاهم الحاج عثمان
عثمان / السلام عليكم ابنياتي
بيسان وتغريد / وعليكم السلام 😊
عثمان / انشاءلله انسجمتن مع بعضكن
بيسان وتغريد في مرة وحدة / بككككل
وشافن البعضهن وقعدن يضحكن
عثمان / لا هكي معناها منسجمات عالآخر
بيسان / ماتتصورش يابابا انا وهي حاسات ان نعرفو بعضنا من زمان
عثمان / مشاءلله تسمحلي انقمعز وانهدرز امعاكن اشوي
بيسان / اكيدة بابا
تغريد / تفضل عمو
عثمان قمعز عالكرسي اللي مصادرهن /قوليلي تغريد ابنيتي في سنة كم توا
تغريد / في ثالثة ثانوي 😊
عثمان / مشاءلله عليك تذكري أخر مرة جيتينا كنتي صغيرة بكل وقتها
تغريد / اها نذكرها بس مش واجد 😊
عثمان / وشن امقررة اتخشي بعد اتكملي الثانوية وتنجخي ان شاءلله
بيسان نطت / كلية الطب بابا اللي ديما خاطرك واحد منه ايخشلها 😅
عثمان / مشاءلله معناها شاطرة عرفي كان ديما خاطري حد من اعيالي ايخش للطب لكن كل واحد فيهم كان عنده طموح وماحبيت نغصب عليهم
أنت تقرأ
الحب أكبر من كل شيء
Romanceالحب هو ... دفئ القلوب ❤ و النغمة التي يعزفها المحبّين على أوتارِ الفرح و شمعةُ الوجود .. سلاسل .. و قيود و مع ذلكَ يحتاجهُ ... الكبير قبل الصغير الحبُ لا يولد ... بل يَخترق العيُون ... كَالبرق الخاطف❤️❤️
