الحب أكبر من كل شيء

الجزء (21)

#الحب_أگبر_من_گل_شيء

الـحـلـقـة (21)

گـتـابـتـي #Koka_Saleh

:::::::::::::::::::::::::::::::::::::::::::::::::::::::::::::

_نميلُ إلى مَن يُشعرونَنا بِالحُبِّ دائمًا، إلى مَن يُحيطنا سُور كلمَاتِهم بالأمَان 🖤🦋

:::::::::::::::::::::::::❤️❤️::::::::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

تغريد شافتله بعدم فهم / كيف مافهمتش شن تقصد

عمر بعصبية اكثر / يعني انتي اتحبي محمد

تغريد بحسن نية / اكيدة انحبه محمد زي خويا بزبط

عمر الموضوع امعصبه وردها البارد وكأنها تستفز فيه من مظرته للجانب من عنده زاد عصبه

عمر / مانحكيش علي حب اخوي نحكي عالحب الثاني اتحبيه وبينكم علاقة

تغريد بصدمة / انت شن تحكي شكلك انهبلت في عقلك

عمر بعصبية / للاسف مازلت بعقلي وماانهبلتش بس شكلك انتي اللي بتهبليني بالي اديري فيه من ورايا يعني معش القيتي الا خويا ياتغريد

تغريد حطت يدها علي وذانها / ارجوك اسكت معش اتكمل مااتخلينيش نكرهك

عمر حول ايديها من علي وذانها / كل تصرفاتك امعاه وتقربك منه ايدل عالشيئ هذا امنى تقربتو وحبيتو بعضكم بعد سفري صح

تغريد بعصبية / انت تسمع في روحك شن اتقول

عمر بعصبية / اها نسمع وسألتك جاوبيني توا

تغريد مهي مش قادرة تستوعب كلامه / والله انك ما اتحشم كيف تحكي كلام هكي علي واحد زي خويا

عمر / قلتيها بروحك هو زي خوك يعني مش خوك

تغريد من صدمتها قمعزت عالسرير وهي في خالة ذهول من عمر وكلامه / مش مصدقة انك انت تحكي هكي

عمر / تقدري اتفسريلي عليش امس كنتو في الليل مع بعضكم في الحديقة وعليش اليوم محمد كان في الجامعة امتاعك وهو مايعرفش حد فيها ولا نظراتكم البعضكم وقت العشاء وقرار محمد المفاجئ بالشغل وان يعتمد علي نفسه وهذا نفس الكلام اللي ديما اتقولي فيه ليا شغل محمد امعاك ايساعدك ويعتمد علي نفسه

تغريد اتشوفله بصدمة وادموعها علي خدها  / واااو ياعمر للدرجة هذي وصل تفكيرك للدرجة هذي تحسابني رخيصة ومافيش ثقة

عمر قمعز قدامها علي ركبيه / والله أنا واثق فيك بس كل اللي حكيتلك عليه شن اتفسريه شن مبررك له
تغريد مسحت ادموعها بقوة من علي خدودها / انا مش مضطرة انبررلك شيئ لاني عارفه روحي شنو بس حنحكي عشان تعرف ان اللي اتفكر فيه غلط واني نا مانيش وحدة رخيصة مالشارع