(Unicode)
Blind date ကအပြန်ရိပေါ်ပျောက်သွားသည်ကြောင့် ဝမ်မိသားစုမှာ ပွက်လောရိုက်လျက်ရှိသည်။
......
ရိပေါ်က သူ့ကို ပါပါးလို့ ခေါ်ကာ အနားကပ်နေတဲ့ ကလေးငယ်ကို သေချာကြည့်နေမိသည်။
ကလေးလေးကလည်း သူ့အနားကိုက မခွာတော့ပေ။ ခုမှကျောင်းကပြန်လာတာထင်သည်။ ကျောင်းဝတ်စုံတောင်မလဲရသေးပဲ ကုတင်ပေါ်တက်ကာ သူ့အနားကပ်နေသည်။
" ပါပါး "
ရှောင်ပေါင်းလေးက အရောင်လက်နေတဲ့ မျက်ဝန်းလေးတွေနဲ့ မျှော်လင့်တကြီး ရိပေါ်ကိုခေါ်လိုက်သည်။
သူ့မှာလည်း ပါပါးရှိကြောင်း မိဘများတွေ့ဆုံပွဲကျရင် ခေါ်လာမှာဖြစ်ကြောင်း သူငယ်ချင်းတွေကို အဝကြွားထားခဲ့သည်။
" ..... "
ရိပေါ်က မထူးသဖြင့် ရှောင်ပေါင်းလေးက ကူရာ ကယ်ရာမဲ့စွာဖြင့် ရှောင်းကျန့်ကိုကြည့်လိုက်သည်။
ရိပေါ်မှာ အရုပ်လေးတစ်ရုပ်လိုထိုင်နေသည်မှလွဲပြီး ဘာစကားမှမပြောပေ။
" ဒယ်ဒီ ပါပါးက စကားမပြောတတ်ဘူးထင်တယ် "
ရှောင်ပေါင်းလေးကြောင့် ရှောင်းကျန့်တင်သာမက ရိပေါ်ပါပြုံးမိသွားသည်။
ကလေးလေးက စကားတတ်ပြီး ချစ်စရာကောင်းတယ်လို့ထင်သည်။ ဒါပေမယ့် သူ့သားဆိုတာတော့ ဘယ်လိုမှမဖြစ်နိုင်ပေ။ သူ့အတွေးထဲမှာတော့ သူ့လူပျိုညတောင် မနေ့ညကမှ ပျက်စီးသွားရတာဟု ထင်မှတ်နေသည်။
သားအဖနှစ်ယောက်လုံးက ရူးနေတာလို့ပဲထင်လိုက်သည်။ နှစ်ယောက်လုံးကို ရိပေါ်တစ်ခါမှ မမြင်ဖူးပဲ။
" သားခေါ်နေတယ် ထူးလိုက်လေ ပေါင်ပေ့ "
" ကျွန်တော့်သားမှ မဟုတ်တာ "
ရိပေါ်ရဲ့အပြောကြောင့် ရှောင်းကျန့်ရဲ့ မျက်နှာပေါ်က အပြုံးတွေလည်း ရုတ်ချည်းပျောက်ကွယ်သွားသလို သားသားကလည်း ငိုမဲ့မဲ့ဖြစ်လာသည်။
" ပါပါးက သားကို မသိဘူး ။ အီး "
ရှောင်ပေါင်းလေးငိုတာနဲ့ ရှောင်းကျန့်က ဒေါသထွက်လာ၏။ နေ့လည်ကလည်း သူတ်ို့အကြောင်းအနည်းငယ် ရှင်းပြထားပါလျက်နဲ့ မသိကျေးကျွန်ပြုနေသည်။
YOU ARE READING
The Way I Still Love You
FanfictionThis story is from my imagination. This is just a fanfiction that has nothing to do with reality.Please don't take this serious. This is a mpreg story. If you don't like this kind of story, don't read this. Thanks! This story may contain mature con...
