(Unicode)
မူလတန်းကျောင်း ဝတ်စုံဝတ်ထားတဲ့ ကလေးလေး တစ်ယောက်က ဒယ်ဒီဟု အိမ်ပေါ်ကနေ အသံအကျယ်ကြီးအော်လျက် ပြေးဆင်းလာသည်။
"ထူအုပ်စု" ရဲ့ ဒုတိယ ခေါင်းဆောင် ရှောင်းကျန့်ရဲ့ တစ်ဦးတည်းသောသားလေးပင်။
ရှောင်းကျန့်က သူ့ဆီအပြေးလာနေတဲ့ သားလေးကို လှေကားအောက်ကနေ ပြေးဖမ်းလိုက်၏။
" မှောက်လဲကုန်တော့မယ် ။ ဒယ်ဒီ သားကို မပြေးရဘူးလို့ ပြောထားတယ်မလား "
ကလေးလေးက ခေါင်းငြိမ့်လိုက်ပြီး နှုတ်ခမ်းတစ်ထော်ထော်နဲ့ ပြောလေတော့သည်။
" သားသားမွေးနေ့ရောက်တော့မှာနော် ဒယ်ဒီ "
" အင်း "
မူလတန်းတောင်တက်နေပြီဖြစ်တဲ့ သားသားကို ရှောင်းကျန့်က သေချာကြည့်လိုက်သည်။ နောက်ရက်အနည်းငယ်ဆို ခုနှစ်နှစ်တောင်ပြည့်ပြီ။ သားသားက သူ့ပါပါးနဲ့ တစ်ပုံစံတည်း။ အသားဖြူဖြူ အရပ်ရှည်ရှည်နဲ့ ဘဲဥပုံမျက်နှာကျလေးကအစ တစ်ထပ်တည်းတူသည်။
" ပါပါးကို ဘယ်တော့တွေ့ရမှာလဲဟင် "
သားသားက လက်လေးတွေအချင်းချင်းပွတ်ချေပြီး မဝံ့မရဲမေးလာတာကြောင့် ရှောင်းကျန့်က သက်ပြင်းချလိုက်၏။ သားသားက သူ့ကိုမွေးပေးတဲ့ အဖေကို မမြင်ဖူးတာ မွေးကတည်းကဖြစ်သည်။
" မကြာခင်တွေ့ရမှာပါ "
မရေရာတဲ့ရှောင်းကျန့်ရဲ့စကားက်ို သားသားက အလိုမကျဟန်နဲ့ မျက်နှာလေးက မဲ့ပြီး ခြေဆောင့်ချင်လာသည်။
သိတတ်စအရွယ်ကတည်းက "မာမားရော ဘယ်မှာလဲ" လို့မေးတတ်တဲ့ သားသားလေး။ သူ့ကိုမွေးထားတာ ယောကျာ်းတစ်ယောက်ပဲလို့ပြောပြလိုက်တဲ့အခါ သူ့ပါပါးကိုတွေ့ချင်ပါတယ်ဆိုပြီးတောင်းဆိုလာပြန်သည်။ ယခုနှစ်နဲ့ဆို သူ့ပါပါးကိုတွေ့ချင်တယ်လို့ပြောတာ နှစ်နှစ်မြောက်။
(ဤကမ္ဘာတွင် ယောကျာ်းများလည်း ကလေးမွေးနိုင်သည်)
" ဒယ်ဒီ ! "
သားသားက ငိုမဲ့မဲ့လေးနဲ့ ရှောင်းကျန့်ကိုကြည့်နေ၏။ သားသားလည်း သူ့ပါပါးကို အရမ်းတွေ့ချင်နေတာဖြစ်သည်။ ပါပါးကို ဒယ်ဒီပြသည့် ဓာတ်ပုံထဲမှာပဲမြင်ဖူးသည်။
YOU ARE READING
The Way I Still Love You
FanfictionThis story is from my imagination. This is just a fanfiction that has nothing to do with reality.Please don't take this serious. This is a mpreg story. If you don't like this kind of story, don't read this. Thanks! This story may contain mature con...
