မုန်းပါတယ်ဆိုခင်ဗျားကို
အပိုင်း (၁၀)
ကားဖြူတစ်စင်း ရွှံ့နဲ့သဲများ ကပ်ပေကျံလျက်
မြေဝါရောင်သန်းနေသည့် ထိုကားသည်
ထူးခြားနိုင်တို့ အိမ်ရှေ့တွင် လာစိုက်သည် ။
ထို့နောက် ကားပေါ်မှ လူနှစ်ယောက်ဆင်းလာပြီး
ကားသမားဖြစ်သူ အသားခပ်လပ်လပ်နဲ့ယောကျ်ား
တစ်ယောက်က ကားနောက်ဘက်ဆီသို့ ပတ်လျှောက်သွား
ပြီး ကားနောက်ဖုံးထဲမှ သူ့ခရီးသည်၏ အိတ်နဲ့ အထုပ်ကြီး
ငယ်များကို သေချာဂရုတစိုက်ထုတ်ပေးနေသည် ။
ထိုအခါ ခရီးသည်ကလည်း ကားသမားကို ငွေရှင်းဖို့
လုပ်သည်။
"ဘယ်လောက်ကျလဲ ဆရာ... "
" သုံးသောင်းပဲပေးပါဗျာ... "
" ဒီမှာ ငွေသုံးသောင်းပါ
ကျေးဇူးတင်ပါတယ်... "
ဟူ၍ ကားသမားတောင်းသည့် ကားခသုံး
သောင်းကို အသာတကြည် ထုတ်ပေးလိုက်ပြီးနောက်
အိမ်ထဲကို ဝင်သွားတော့သည်။
" ကလေးတို့ရေ ဦးဦးပြန်လာပြီ
မုန့်တွေအများကြီးပါလာခဲ့တယ်... "
ထိုအခါ အိမ်ထဲမှ ကလေးတွေ ပြေးထွက်လာပြီး
သူ့ကို ခရီးဦးကြိုပြုကြလေသည်။
" အားလုံးအတွက်ပါတယ်နော်...
ဦးဦးက အငယ်လေးကို အရင်ပေးမယ်
ရော့... စုစုဒါက သမီးအတွက် ချိုသဲ
လည်းယူ ကိုကိုကို့ မတွေ့ပါလား ..."
" ကိုကို သူ့သူငယ်ချင်းအိမ်သွားတယ်
ဦးဦး... "
" အော် အဲ့လိုလား... ဒါဆိုရင်
ကိုကို့အတွက် ချိုသဲပဲ ယူထားပေးလိုက်လေ... "
" ဟုတ်ကဲ့ ရပါတယ် "
ထိုအချိန်တွင် ခါလွန်မိုးလည်း အခန်းထဲမှ
ထွက်အလာ သူတို့ ဧည့်ခန်းတွင် ဆုံကြလေရာ...
" ဒီက ညီက ထူးခြားရဲ့ မိတ်ဆွေထင်တယ်
ဧည့်သည်ဆိုရင် အိမ်ရှင်တွေအခန်းထဲကို
လက်လွှတ်စပယ် ဝင်ထွက်လို့မရဘူးလေ...
ယဥ်ကျေးမှုလေးတော့ရှိသင့်တာပေါ့..."
သူ့အတွက် မျက်နှာစိမ်းဖြစ်နေသည့်ခါလွန်မိုးကို
ထူခြားနိုင်၏ မိတ်ဆွေအထင်နဲ့ ပြောလိုက်သည့်အခိုက်
တစ်ဖက်လူ ခါလွန်မိုးမှာ မျက်လုံးအဝိုင်းသားနဲ့
ကြောင်အန်းသွားလေသည် ။
YOU ARE READING
မုန်းပါတယ်ဆိုခင်ဗျားကို
Romanceအမ်... မိန်းမဆုံးသွားတော့ မိန်းမရဲ့မောင်နဲ့ အိမ်ထောင်တစ်ဆက်ပြန်ထူထောင်တဲ့ ...အဲ့လိုပုံစံမျိုးလေးပါ ဒီဇာတ်ထဲမှာ အရမ်းမုန်းဖို့ကောင်းတဲ့ Semeကို ဖတ်ရမယ်ပေါ့နော်☺
