မုန်းပါတယ်ဆိုခင်ဗျားကို
အပိုင်း (၆)
" ချိုသဲ မင်းအမေက ဘိန်းဖြူတွေရောင်းလို့
ထောင်ကျသွားတာဆို အဲ့ဒါဟုတ်လားဟင် "
ချိုသဲတို့အခန်းထဲမှ အတန်းဖော် ဖြူဖွေးက
ထိုသို့ ခနဲပြီးမေးလိုက်သည်။
" မင်းကို ဘယ်သူပြောတာလဲ
မဟုတ်ပါဘူး အဲ့ကောင်မပြောသလို
မဟုတ်ဘူးမလား ချိုသဲ ..."
ထိုအခါ ၀တ်ရည်'က ချိုသဲ'ဘက်က ပါပြီး
ဖြူဖွေး'ပြောတာကို မဟုတ်ဘူးဟု
ကာပြီးငြင်းဖို့လုပ်လေသည်။ သို့သော်
ချိုသဲကတော့ ...
" ဟုတ်တယ် ငါအမေက ထောင်ထဲမှာပဲ
မင်းပါးစပ်ကနေ နောက်တစ်ခါ ငါ့အမေအကြောင်း
ထပ်ပြောရင် ငါ့ကိုကိုကို ခေါ်ပြီး မင်းရဲ့အာချောင်တဲ့
ပါးစပ်ကို ညိုမဲသွားအောင် ထိုးခိုင်းမယ် အဲ့ဒါကို
နင်မှတ်ထား ဖြူဖွေး'..."
ချိုသဲ'ထိုသို့ ပြောလိုက်တော့ သူငယ်ချင်းကို လိုက်ပြီး
အပုတ်ချ မကောင်းပြောချင်ခဲ့သည့် ဖြူဖွေးတစ်ယောက်
ကြောက်အားလန့်အားဖြစ်သွားလေတော့သည်။
" ကျေနပ်လိုက်တာ အဲ့ကောင်မက နာမည်နဲ့မလိုက်အောင်
ကို အကျင့်တအားယုတ်တာပဲ ၊ ဟီးးးးအားရတယ် "
" ၀တ်ရည် ' နင်ကလေ ငါ့ကို လူမိုက်အားပေး
လုပ်နေတာလား ဟမ် ... ငါနင့်ကို ယောင်းမ
တော်ရမှာတောင်ခပ်ကြောက်ကြောက် ဖြစ်လာပြီ"
" ငါနင့်ယောင်းမ မဖြစ်ချင်ပါဘူးနော် ပြီးတော့ နင့်
ကိုကိုကိုလည်း ငါ့မှာ စိတ်မ၀င်စားပေါင် ..."
" ဒါဆို နင်ဘာလို့ငါ့အပေါ် အရမ်းကောင်းနေရတာလဲ
ကိုကို့ကြောင့်မဟုတ်ဘူးဆိုရင် ဘယ်သူ့ကြောင့်လဲ
ပြောပြစမ်းပါအုံး မဟုတ်မှလွဲရော နင်ငါ့ကိုများ ကြိတ်..."
" ဟာ တော်တော့ကွာ မဟုတ်တာတွေ ..."
ထိုသို့ စနောက်ပြီးပြောလာသည့် ချိုသဲ'ရဲ့
နှုတ်ခမ်းလေးကို ၀တ်ရည်က သူလက်သေးသေး
တွေနဲ့ မီတမီလေး လှမ်းကာ ပိတ်ပစလေသည်။
" ဟားဟားးး သွားမယ် မြန်မြန်လျှောက်တော့
မင်းကတအားနှေးတာပဲ အတန်းကစနေပြီထင်တယ်
နော် ဝတ်ရည် "
ESTÁS LEYENDO
မုန်းပါတယ်ဆိုခင်ဗျားကို
Romanceအမ်... မိန်းမဆုံးသွားတော့ မိန်းမရဲ့မောင်နဲ့ အိမ်ထောင်တစ်ဆက်ပြန်ထူထောင်တဲ့ ...အဲ့လိုပုံစံမျိုးလေးပါ ဒီဇာတ်ထဲမှာ အရမ်းမုန်းဖို့ကောင်းတဲ့ Semeကို ဖတ်ရမယ်ပေါ့နော်☺
