လက်ရှိအနေအထားအား ပြောပါဆိုလျှင် ခုတင်ပေါ်ကျောမှီထိုင်နေသော ဉီးဇန်အားတွေ့ရမှာဖြစ်ပြီး ဉီးဇန်ရဲ့ခါးကိုခွထားလျက် ရင်ဘတ်ကို မျက်နှာအပ်ကာထိုင်နေသော ဟန့်ကိုပါ တစ်ဆက်တည်းတွေ့ရမှာဖြစ်သည်။
စိတ်တွေဆိုးနေသော အမျိုးသားငယ်ကို နှစ်သိမ့်ပေးရုံကလွဲပြီး ဉီးဇန် ဘာမှမလုပ်ပေးနိုင်ခဲ့။ အကြောင်းက သူ့အားစကားလာပြောလျှင် တသက်လုံးမခေါ်ပဲထားထားမည်ဖြစ်ကြောင်း ခြိမ်းခြောက်တဲ့ အမျိုးသားငယ်ရဲ့ စကားကြောင့်ဖြစ်သည်။
" နောက်တစ်ခါကျရင် ကျွန်တော်လည်း ကျွန်တော် ဘာဖြစ်ဖြစ် ဉီးဇန်ကို မပြောပြတော့ဘူး။ "
" ဟန်! "
" စကားမပြောနဲ့လို့! "
သူတို့နှစ်ယောက်ရဲ့အခြေအနေက သွေးအေးတိုက်ပွဲထက်ကို ဆိုနေ၏။ ရှင်းပြခွင့်လည်းမရသလို စကားပြောခွင့်လည်းမရပါသော သူ့အား ဘယ်သူများကယ်နိုင်လိမ့်မလဲ။
" ပြီးတော့ ဉီးဇန်ကို တစ်ပတ်လုံးလုံးစကားမပြောဘူး။ "
" ......... "
" တစ်ခွန်းမှကို မပြောတာနော်။ ကျွန်တော်လုပ်ချင်တာလုပ်မှာ။ "
" ........ "
" ကျွန်တော် တကယ်ပြောနေတာနော်။ "
" ......... "
" ဟာ ဘာလို့ ဘာမှမပြောတာလဲ။ "
ကြည့် သူပဲ စကားမပြောပါနဲ့လို့ မှာထားပြီး စကားပြန်မပြောတော့ အော်သည်။ တော်ရုံတန်ရုံ ဂျစ်နေတာမျိုးတောင်မဟုတ်တော့။
" ရတယ် ကြည့်နေလိုက် ရည်းစားတစ်ယောက်ရှာပြီးတွဲပစ်မယ်။ "
မရတော့။ ဉီးဇန် တကယ်ပင်မရတော့။ သူ့ကို ချစ် ကြောင်းဖွင့်ပြောထားတဲ့သူတစ်ယောက်လုံးရှိနေပါလျက်နဲ့ ရည်းစားအသစ်ရှာဖို့ပြောနေသူအား အပြစ်ပေးရပေမည်။
" ပြန်ပြောလိုက်ပါဉီး အဲ့စကားကို "
" ရည်းစားအသစ်သွားရှာမှာလို့ "
" ရည်းစားအသစ်ရှာမယ်ဆိုတော့ ကိုယ်က ရည်းစားဟောင်းလား။ "
ပထမတော့ နားမလည်ဟန် စဉ်းစားနေသော်လည်း သဘောပေါက်သွားအခါ ဟန်က စူးရဲသောအကြည့်တွေနဲ့ကြည့်လာ၏။
YOU ARE READING
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
