ကြင်ယာတော်ကောဝမ် ( Completed )

(5)

Unicode Ver

--

ပျော်ရွှင်နေသည့်ရိပေါ်၏ ဘဝလေးသည် ထိုနေ့မှစ၍ အကျည်းတန်နေသည်မှာ ယခုတိုင်ပင်။

နောက်ဆုံးတော့ မလာချင်၍ ရှောင်ပြေးသောသူသည် စိုက်စိုက်မြိုက်မြိုက်ပင် ရောက်ရှိသွားရသည်။

ဟန်ဆောင်ကောင်းလွန်းသောသူ နှင့် တုံးအ ခဲ့သောသူ၏ မာနတိုက်ပွဲအသေးစားကလေးသည် ပြင်းထန်စွာတိုက်ခိုက်နေသည်အား လုံထျန်းပြည်ထောင်စုကြီးတစ်ခုလုံးမည်သူမျှမသိကြပါချေ။

အထူးသဖြင့် တုံး အ ခဲ့သူလေးရဲ့အမျက်ဒေါသကလေးပေါ့။

ဒီနေ့ ရှောင်းအိမ်ရှေ့စံနှင့် ရိပေါ်တို့၏ ထိမ်းမြားပွဲပင်။ မလွန်ဆန်နိုင်၍ ထို့လူ့အား လက်ထက်ခဲ့ရပေမဲ့ မြူတစ်မှုန်စာလောက်မျှ မချစ်ပါ။

လိမ်လည်ခြင်းတို့ပါဝင်သည့် အချစ်အား ယုံကြည်ရလေအောင် ရိပေါ်သည် သူရူးမဟုတ်။

ယောင်္ကျားပျိုတန်မဲ့ မိန်းမပျိုတစ်ဦးနှယ် ဇာပုဝါနီဆောင်းနေရသည်မှာ လုံးဝသဘောမကျသော်လည်း တွန်းလှန်ခြင်းလဲ မပြုနိုင်ပါ။

ရှောင်းအိမ်စံ၏အချစ်ဆုံးကြင်ယာတော်အဖြစ်
"ကွမ်းဟုန်ကောဝမ်" ဘွဲ့ထူးနှင့်အတူ ရှောင်းမင်းဆက်တွင် အထူးခြားဆုံးနှင့်အခမ်းနားဆုံးအဆောင်အယောင်၊အခြံအရံအား ချီးမြှင့်ခံရခဲ့သည်။

ကြင်ယာတော်ကောဝမ်ဟူ၍ အများကသိ၍ ရှောင်းနန်းတော်ကြီးတစ်နန်းတော်လုံးသည် ချစ်ခင်ကြလေသည်။

ရိပေါ်သည် ဓလေ့ထုံးတမ်းများအား လိုက်နာမည့်သူမဟုတ်၊ မိန်းမပျိုတစ်နှယ် မည်သည့် စည်းကမ်းကိုမှလိုက်နာနိုင်မည်မဟုတ်ပါ။

မဂ်လာသေရည်အိုးကို မြင်သည့်အခါ ဒေါသတကြီး ပေါက်ခွဲပြစ်လိုက်သည်။
အခန်းတွင်းတွင် အလှထားထားလေသော ရွှေထည်၊ငွေထည်၊ကြွေထည်များပါမကျန် ရိုက်ခွဲ၍ ရသမျှ ရှိသမျှဒေါသတို့အား မြိုသိပ်မထားဘဲ ပေါက်ကွဲပစ်သည်။

ရှောင်းအိမ်ရှေ့စံ မည်သို့မည်ပုံပဲ ပြုမူလာပါစေ ရင်ဆိုင်ပစ်ရန်အသင့်..!