تمر الايام والسنين ويتغير كل شي وكئن العالم بدا يظهر قناع الحقيقه
بعد كل شي حصل وكل الاحدث تغيرت بطلتنا وصارت احلا من ماكانت عليه
حمـده:يمه يارا اصحي اصحي بتتاخري ع المـدرسه يا يمه
يارا:يمه الله يخليك خليني نايمه المـدرسه ما بتطير
حمـده:اها اقول اصحي قبل ما اجيب سطل ما۽ واكبه ع راسك بسرعه
يارا:بملل حاظر يمه
حمـده:ولا تفردين شعرك اربطيه يمه الناس ما تصلي ع النبي بعد ما كبرتي وطال لازم تحـذري من عيون الحساد
يارا:الله يخليك لي ابشري يمه وايش من كبرت لسا عمري 10سنين
حمـده:يابنتي عشر اسنين وفي اولئ متوسط العين حق ما شفتي جارتنا سميره ويش قالت
يارا:خير يمه ويش قالت
حمـده:بسم لله عليكي من عينها قالت جمال وذكا۽ وبياض ويش عاد. ودها بسم لله عليك عيونها ما ترحم
يارا:ابتسمت وظهرت غمزتها بمظهر ملفت وكنها لوحه فنيه يمه لا تخافي ما يصير لي شي وانا اقرا۽ الاذكار ووردي من القران كل يوم اقراه اطمني والبياض الي بدها ياه تاخذه والله يمه احب البشره السمرا۽ قال بياض قال
حمـده:بلا قرقره سمرا۽ كذا تجنني بس لو تسمني شوي كنك عصئ
يارا:جالسه تعدل شكلها وعيونها علها يمه ويش لك بسمن الكل يسو دايت عشان يخفون
حمـده:ويش الدايت يا يمه
يارا:رجيم يمه تمارين ههههه
حمـده:ومالك تقولين تايت وصار لسانك اعوج
يارا:يمه الله يعافيك اسمه دايت مو تايت ولساني ويش حلاته ويالله بتاخر اخذت حقيبتها والقت نظره سريعه عليها وخرجت من المنزل
محمـد:شاف يارا خارجه هلا ببنيتي صباح الخير
يارا:هلا فيك يبه صباحك انا
محمـد:ها يمه فطرتي
يارا:بلمدرسه بفطر يبه لا تشيل هم
وصل باص المدرسه ركبت يارا بهدو وقعدت بمكنها المفضل وهي تتذكر السنتين الي درست فيهم فصلين وتجاوزتهم بنجاح وبمتياز كمان وبعد ما نجحت تذكرت فرحت ابوها وامها واحتفلو فيها بنجاحها كان يوم جميل ورائع بنسبه لها وبعد كل هذا قرارت ما تبحث في الماضي وتعيش يومها معا اغلا اثنين ع قلبها والاشهب ما تنساه صارت خياله بمهاره صح بصعوبه لتجوزت خوفها من بعد حادثة الخيل بس تعدتها وصارت قريبه من شهاب وعمر وتحس حالها مايله كثير لعمر انسان طيب وتفكيره مثلها بضبط قطع افكرها بنت تهزها من كتفها تنبها انهم وصلو
اخذت نفس عميق وزفرته برتياح اول ما دخلت من البوابه وتفاجت ببنت تحضنها ولسا ما انتبهت لها
