جاسر:محمـد الله يرضاء عليك بعد ما توصل اختك المدرسه روح جيب لي الملفات من الشركه
محمـد:من عيوني يبه
راح وقبل راس امه
محمـد:صباحك يا الغاليه عساكي طيبه
ايمان:الحمـدلله يمه لا تشيل هم
محمـد:الحمـدلله يالله استاذنكم
صار يصارخ رحابووو بسرعه اخرتيني
رحاب وهي تركض ع الدرج كاني جهزت يا جعل لعدوك الموت ليش تصارخ
ايمان:شوي شوي لتطيحي
رحاب:ليش ابنك ذا يخلي فيني عقل وتلف لمحمـد يالله بسرعه اخاف ااخرك ع شغلك يا دكتور .......جاسر لف لها بعصبيه ما عندك اخ دكتور انتي ما تفهمين
رحاب:يبه ليش تكذب ع حالك انت مشتاق لنواف اكثر منا لا تخفا حبك بلعصبيه والصراخ يبه ذا ولدك اذا انت ما وقفت معاه من بيوقف معاه كلمني يبه عندي اخ لا اعرف شكله ولا عمره ولا صوته يبه حرام والله حرام تفرقنا عن اخونا وانت ابوي ليش ابو عشان لو غلطنا تعاقبنا وتسامحنا مو تهجرنا
جاسر:ياقليلة الحيا تعلميني شنو يصير وشنو ما يصير
رحاب:تقرب من ابوها وتبوس راسه يبه اعذرني بس حس فيني يبه ودي اعرف اخوي يبه اعذره يبه سامحه يبه الله يخليك لا تفرق شملنا يبه كل شي الا العيش بدون اهل يبه انا ما اتخيل حياتي بدونكم فكيف باخوي حياته كلها بلغربه يبه فكر بكلامي وطلعت والعبره خانقتها
جاسر:وكن كلام رحاب ضرب ع الوتر الحساس خليته يفيق وذكرته بواجبه تجاه عياله ذكرته ان الاب يعاقب عياله بس ما ينبذهم ما يتبرا منهم
ايمان:جاسر الله يخليك رجع لي ولدي اخاف اموت وانا ما شفته كل يوم اناجي رب العباد يحنن قلبك عليه دموعي بكت ع فراقه دم بدل الدموع جفت دموعي وانا انتظرك تسامحه نواف غلط بس من منا ما يغلط
وبدموع الله يخليك لعين ترجيك رجعلي ولدي
جاسر:محمـد اتصل بنواف قول له البيت ينتظرك قول له اهل البيت فقدوك وراح ع مكتبه مايحب احد يشوفه مكسور
محمـد:بسعاده تامر يبه وفي نفسه كيف عرف اني ع تواصل معاه صدق خطير يا بو نواف
ريماس:ويش فيكم عسا خيرر
ايمان:اخوكي بيرجع يا رموس بينور البيت يا بعد قلبي نواف بيرجع
ريماس:بصدمه يمه اكيد كلامك صح يمه لا تتغشمرين معي
ايمان :والله بيرجع الله يخليك لي يا رحاب دوم وانتي قويه وعند الحق مستحيل تسكتي
ريماس:ليش شو سوت
ايمان:صحت ضمير ابوكي النايم الله يكملها بعقلها
................
فـي مـدرسة رحاب
رحاب تمشي بعصبيه وفي نفسها تقول اتمنا كلامي فيه فايده ما كملت كلامها الا وحست بجوالها يهتز لنه صامت تخاف تنكشف انها تجيب جوال راحت للحمامات وردت
