اظحك والقدر يبكيني
بقلم اخوكم الهاوي امجــــــد
يارب القصه تنال اعجابكم .......
والا تنسون المتابعه والنجمه
يوم من الايام يكول انه طالع بالسياره اجيب كيف
من البصره طبعا هوا ساكن باطراف المدينه
وماخذني الواهس وجاي اسمع اغنيت تايبين
وافكر بيني وبين نفسي ليش انه احب هاي الاغنيه
انه اصلا ماحبيت وماعتقد واحد يحبني غير امي
ومندمج بهاي الفكرا للنخاع ههههههه
وقته جان الجو ربيع بدايت الربيع وتقريبا
الساعه بالخمسه العصر يعني الشمس قريب تنزل
واذا تندلون ابو الخصيب بالبصره جان الشارع مزدحم بيومها لان تعرفون سايد واحد ومتعرج واشجار
هواي والاسواك والمحلات على الطريق ودائمن تصير حوادث ويه السواق
وانتقد الوظع والسواق وحته الناس ليش ماينتبهون
المهم اخيكم جابه القدر على راسه ويه الوضع الي انه بي والانشغال والتفكير اتفاجئت بين كل هذا الوظع والازدحام وبنيه وكفة كدامي متبسمرا ماتعرف وين تريد تروح وهنا صار الي ماجان بالحسبان وضع مفاجء لزمت بريك قوي والبنيه صارت جوا السياره ظربته لا ماعرف و صوت الناس رعبني فوك ماانه مرعوب كتل اللبنيه كسر اللبنيه ضليت ماعرف شسوي لا اخذ ولا جيب رجلي ماعانني بعد
ركظو الواوم شالو اللبنيه حطوها بالسياره وقسم تصور
وقسم ادك على السياره وصايح وهوسه انته منين
وشي تسئل اللبنيه منين حجي من بين هاي الناس
اجه يمي كلي عمي لاتخاف مابيه شي ان شاء الله
اخذه للمستشفه بسرعه بسرعه اطلع
وطلعت وخايف ومرتبك بس اباوع على اللبنيه كاعده
طبيعي كنما مابيه شي ولا مسويه حادث وصافنه علي على شارع ماعرف كنما هيه بعالم ثاني حته شكيت مو هيه هاي المدعومه ياربي صعدو غير وحد شنو وهاي اللبنيه حلوا وجميله بشكل بس الخوف مبين عليه
فكرت خلي اسئله خاف صار شي غلط بس شسئل شلون ابدي الموظوع خاف احجي وتورط خاف تصرخ
وفوك هذا محد صعد وياها شلون ورطه
خرب عقلك قابيل فكر شجاب هاي البلوا على راسي طارت السهرا خرب حضي
اكلج انه دعمتج لو انتي دعمتيني شوا انه ميت
وانتي ولاجنج مدعومه وين صوابج وين اتعورتي
هاااااااااا بس
جاوبتني شنو ها انتي فقـتي الذاكرا يمعوده خليج وياي دمرتي كلشي علي وتردين جلطيني فوكاها
رجعت بهاااااااا مرى ثانيه
خرب حضي اللبنيه فقدت الذاكرا اكلت تبن قابيل
معوده رحمه الامج احجي شي افتهمه
بعد ما نشفت دمي جاوبت وين ماخذني عيونه
يهملا وحمر ياستار يارب رعبتني من صدك
اللبنية مو طبيعيه ابد مو طبيعيه
ومشغوله صفنته تخوف حسيت بيه شي ثاني
مو بسبب الحادث
خويه انه دعمتج بس ماشفت وين ظربج وين صوابج
صوابي هاااااا صوابي بعقلي لا بكلبي
ياورطت الورطه اشبع قابيلا اكله اجتك
سلامت عقلج و كلبج يعني انه ماطكيتج وانتي مابيج شي كلبج يوجعج خاف من الخوفه
لالا خويه انته مادعمتني وديني للساحه
شكو بالساحه المستشفه البراضعيه اقرب شي علينه
اوديج للتعليمي بس خلي افتهم انه ظربتج لا حته
اعرف شكلهم
لا ماريد مستشفه مابيه شي انه اريد اروح للساحه
شسوين بالساحه يمعوده
جاوبتني اريد اهيم انته شعليك
شلون شعلي الوادم كله شافتني دعمتج وحته صوروني وانه قملتي بكعه وحضي اجيب التيه
ترا مافك روح خلي اخذج للمستشفه اطمئن عليج واوديج وين ماتردين
حبوبي اخذني للساحه كبل لا يحسون علي
منو يحسون هاي صدك فقدت الذاكره لو شخطت
شلون بلوى يربي
كلتلي اهلي وبجت وتحجي ويه نفسه شسويتي بروحج حيات هذا غبائج شسوي بعمري وين اروح
وظلت دك على وجه كله مني استاهل ربي اخذ عمري ربي شسوي ونهارت طلعت من طورها
شهل بلوله قابيل لزمت بريك وكفت وهديته وشربته ماي بنت الحلال شبيج شنو قصتج انتي
يمعوده احجيلي خلي افتهم شبيج انتي شاربه شي
لو الحادث اثر عليج لو انه فكر وهاي بلوى من نوع جديد
جاوبتني شاربه شي عندك شي اشربه اريد اموت واخلص
لو اذب روحي كدام سياره ثانيه
شنو ثانيه يعني انتي ذبيتي روحج كدامي تردين
تبليني هاي العايزه ماناقصني بلاوي البيني يكفيني
اذكري الله يمعوده كلشي ولازم اله حل
ياحل سالفتي ماله حل انه انتهيت
صلي على محمد احجيلي بلكي اشوفلج حل يكولون ابو المشكله اعمه باله مشوش مايكدر يفكر
وهنا بدت بعد انهيارتحجي سالفته
يتبع ........ فديتكم شجعونه بمتابعه ونجمه
أنت تقرأ
اظحك والقدر يبكيني
Romanceهوا سوف يئتي متعب الخطوات من طرف المدينه لا شيء يعرف سوا لو اتاكي من البعيد تعاتبينه رحماكي لاتظعي الجراح على الجراح فا تئلمينه
