اظحك والقدر يبكيني

النهيه

وطلعنه وانه شايله البنات وخايفه خاف صاير شي القابيل لان تعودت مايتئخر ولا يفاركني وهذا الخبر

هد حيلي ظليت الح على اخوي بس جان جوابه نفسه

سوا حادث وامي دزتني عليج لازم اجي اخذج

وصلنه للبيت مالكيت قابيل ولا واحد من الولد بس امي

خليت البنات يم امي وظليت الح وابجي على اخوي حته ياخذني حته اطمئن اتئكد عايش على الاقل

وقبل ياخذني ورحنه للمستشفى بس ماشفته والناس صايره هوسه يمعودين وينه شنو صار بي شنو الحادث الي مسوي اخذني اخوي الجبير بحظنه وكلي صبر واندعي الله يطلعه بالسلامه انه اعرف لو شنو مانكلج

ما ترتاحين ولا راح تصدكين وانه اعرفج قويه

هسه هوا بلانعاش وحالته تعبانه لان الظربه براسه حسب حجي الي جابو ظاربته سياره ومكلوب يكولون طالع من الجامه ومشمور خارج السياره صايره طيحته على راسه وهسه الدكتور يكول احتمال عنده نزيف براسه

اندعو يكعد حته نكدر نسويله باقي الفحوصات

وبقينه بالمستشفى ننتظر ماكعد قابيل ويوم وراى يوم

الى ان صارن ثلاث ايام كعد وصاحولي اطب اشوفه

وطبيت وشفته بس بحاله تعبانه ومزريه او وجه مشكك كله جروح وخياطات مابي ظربه ثانيه غير بس وجه يكدر يتحرك ويحجي بس بصوت ناصي لان حته فجه جان بي كسر بس الحمد لله قابيل زين وحاجاني وسئل على البنات وصاني عليهن وبعد ماكملو الفحص الباقي كالو الحمد لله مابي شي بس لازم يبقه بعد يومين

ورى اليومين طلع واخذونه الولد البيت اهلي لان يحتاج رعايه خاصه وانه ماكدر وحدي وبقينه يمهم

همه يدارونه خلو بالديوانيه مالتهم وجان دائمن يصيح لخوي الجبير يسولف ويا بس كل مايطلع اخوي اشوفه يباوع علي بنظرات غريبه اسئله مايحجي اوقات يكلي رجلج جاي يوصيني ويسد الموظوع بس احس هواي حجي بكلبه وقته ماهتميت بس بعدين عرفت جان قابيل يحجيله كلشي مسولفله قصته كله ومسولفله قصتي كله بوقته اخوي ماحرك ساكن

المهم انه ماشوفه بس وقت النوم بعد ماتطلع الوادم اروح اكعد يمه اسولف ويا و اشوفه واشوف شنو احتياجاته ومظه على هذا الوضع مايقارب اسبوعين وبيه كام يمشي وبيوم على اساس ياخذونه للطبيب

طاح بالباب وفقد الوعي وشالو بسرعه واخذو

طلعتهم جانت العصر بس مارجع اتئخرو ظلينه بقلق عليهم ورجعو بس موكلهم كالو مطببينه مستشفى بس اخوتي هاي المرا يبجون اخوتي مايظمون شي علينه حاولو يحسسونه ماكو شي بس انه اعرفهم عيونهم حمر ومايباوعون بوجهي خواني حبو بعد ماكام يطلع يشتغل وياهم جان من النوع المرح وطيب رغم المساوء الجانت بي خويه قابيل مات كلولي