اظحك والقدر يبكيني

البارت الثالث

اظحك والقدر يبكيني

بقلم اخوكم الهاوي امجــــــد

يارب القصه تنال اعجابكم .......

والا تنسون المتابعه والنجمه 

ويوم زواجنه جان احلا يوم بالنسبه الي حسيت

الله دزلي هاي اللبنيه هديه ولو جانت الظروف تعبانه تمنيت انو التقينه بظروف احسن من هيج رغم الحاله الي هيه بيه الى اخر لحظه كلتلي انته مامجبور تعيش حياتك وياي ولا تتحمل اخطائي حته ولو كنت انه الظحيه تكدر تعوفني وتكدر تزوج

بس بالنسبه الى حياة لا جان هذا اليوم اسوى يوم

بحياته جانت تفكر هيه راح تطلع من مصيبه تطيح بمصيبه اكبر وراح تبقه مذلوله طول عمرها ماتعرف شنو راح يتلكاها بيت قابيل اصلا هذا الشخص منو وشجابه الحياتي هذا صدك يريد يساعدني لو جان يريد يستغل موقفي وشلون راح اتعامل ويا شنو صار ليش هيج صار بيه انه شنو سويت غلط الحب غلطتي الوحيده الله ينتقم منك سعود

وبعد الحفله طبعن جانت الحفله بالقاعه رجعو للبيت

قابيل وامى وحيات وامها

وبعد ما دخلو لغرفتهم تفجئت حيات انو قابيل مامخلي

اي شي اله بالغرفه وكعد وسولف وياها كلام مانسته طول عمرها

اول كلمه جانت الي مبروك ببتسامه جميله وياها خجل

اتكول بقت مطبوعه براسي بس مبروك عليمن

شوفي يابنت الحلال انه اشتريت ماي وجهج اوجه اهلج

اتصورت راح يشرط علي هواي شغلات توقعت

الي جنت افكر بي صحيح ابسط شي راح ابقه خدامه

وكمل حديثه انتي بنت ناس اجاويد ابوج الله يرحمه ماشفته بس اخوانج الله يستر عليهم زلم بمعنا الكلمه

ومايستاهلون الي صار بيهم انه رتبت الغرفه هاي كله

الج وانه راح ابقه انام يم امي بالمناسبه امي تعرف بالقصه كله ومنا الى ان تولدين طفلج بالسلامه حسبي هذا بيتج واحنه اهلج وانه اعتبريني اخوج ابوج اعتبريني الشخص الي مخليته سندج وماتستحين منه اذا رتي شي وعلى فكرا انه بعدني مامعتبر نفسي زوجج

واتمنه يكون زواجنه عن حب وبغير ظروف بس يلا

وهسه انجبرت ادخل وياج للغرفه لان امج موجوده هاي مهمتج حليه بمعرفتج حته تاخذين راحتج وانه اكدر اروح يم امي

هاي جانت ظربه على راسي شنو جاي يصير

ابن خالتي اعتبرا دمي ولحمي غدر بيه

وهذا الشخص لا اعرفه ولا يعرفني هيج يعاملني

شنو مصلحته وجماله يكول انه موخوش انسان