اظحك والقدر يبكيني

البارت الثاني

اظحك والقدر يبكيني

بقلم اخوكم الهاوي امجــــــد

يارب القصه تنال اعجابكم .......

والا تنسون المتابعه والنجمه 

كلتلي اليخفي عليك مايخفي على الله ولو انه اعرف سولفت لو ماسولفت ماراح يتغير شي

بس اريدك تسمع سالفتي خاف يوم ينحجي كدامك وانه ماموجوده جاوب بالي يرضي الله

وانته تعرف مجتمعنه مايرحم ولا ينصف اصلا بكل الحلات يطلعني انه غلطانه

انه بت على خمس خوان وينضرون الى مثل ورده بيت اهلي انه المدللى همه يخدموني بعيونهم مو انه اخدمهم

ابوي متوفي ماشفته ابد وانه زغيرتهم ماخلوني احس بنقص لا بحنان ولا بمعزه الكل يحبني اخواني كلهم يشتغلون واحد متزوج وعازل والبقيه كلهم ويانه

وبيت خالتي جيرانه احنه وياهم حايط على حايط وعدهم ولد واحد وبنات ثنين مقاربين العمري بينه طبه وطلعه عباره بيت واحد والبنات صديقاتي يعني بينه اسرار اثرن علي وخلني احب اخوهن بكثر الملحه والكلام الحلو عنه بعد ماجان هوا هواي يغازلني ويحاول يتقرب علي رفظته هواي جنت اصده لان ماجنت احس بتجاه اي مشاعر الضاهر لجئ للبنات

حته يحجن وياي و يقنعني وفعلا اقتنعت وكلت شكو

بيه هوا خوش شاب وجميل ويشتغل ويه اخوتي والولد حابني على سنت الله اتزوج واحد اعرفه احسن من ما اخذ واحد ماعرفه وصارت بينه كعدات وحجي وتفاقات ومن ضمنه الزواج والبيت والاطفال عيشني بحلم وجنه وخلاني تعلقت بي وكمت افضله حته على اخوتي

صار هوا حياتي لان هاي اول مرى احب ماحبيت غيره ولا جنت اعرف معنه الحب شنو شفته شعور حلو وجميل بده يجيبلي هديا ويلاطفني بكلام حلو حسيت محتاجه هيج شخص ويمكن هوا هذا جان نقصي الوحيد لو بسبب الدلال حبيت اشوف شي جديد ماعرف المهم انه ذبت بي وحبيته وصار كل دنياي وكلشي الي وصارت احجايته عندي لا يعلا عليها وجانت احلا حجيه الي واحب اسمعها منه دوم ام العيال من اسمع هيج حجايه احس انه اصلا زوجته

الى ان وعدني بالزواج وكام يرتب طلعات الي

انه والبنات حته نطلع انشوف شنو انجيب غراض البيتنه الي راح ان عيش بي وشلون انرتبه ثقيت

كلش بي ماطول السالفه

ويوم من الايام خله البنات يواعدني على طلعه وجانت امي ماترفض اذا ويه البنات ورتبت نفسي وجهزت للطلعه وجان اسعد يوم بحياتي لان بيه راح نطلع نتونس ونقرر يمته يجي يخطبني وكلت خلي اروح اكمل ترتيب يم البنات ورحت ودخلت للبيت وصيحت وينجن بنات بس ماكو صوت وطلعلي سعود صحلي هنا تعاي