SABOTAGING MY WALKOUT QUEEN

MEETING HER 03

LAST NAME BASIS

David's P.O.V.

Ang lakas din ng trip ng Helena'ng 'yon eh, 'no? Consistent top one student daw pero hindi naman pinasukan 'yong last subject namin kahapon?

Natigilan ako sa pagmumuni-muni nang makita kong pumasok sa classroom ang babaeng iniisip ko. I couldn't believe that she had the guts to skip our afternoon class yesterday. I knew I shouldn't care about it. In fact, mas pabor pa nga 'yon sa'kin, but I just couldn't stop myself from overthinking.

Sino ba siya sa akala niya?

Saglit ko siyang tiningnan. Kapag kaharap niya ako, ang sungit niya. Pero kapag mag-isa lang siya, iyakin naman. She was simple, but I think she was only pretending. I didn't know the exact reason why, but that was what I thought of her.

Kasunod niyang pumasok si Vanessa na agad namang umupo sa tabi ko. Nagkunwari naman akong busy at may sinusulat sa notebook.

Hmm, nakita niya kaya akong nakatingin kay Helena? Teka, eh ano naman? Wala naman akong ginagawang masama!

"Hi, babe!" bati niya sa akin.

Tinanguan ko lamang siya. Hindi ko alam kung bakit wala ako sa mood para makipag-usap sa kanya. Siguro ay dahil sa nakita ng dalawang mata ko kahapon — kung paanong halos magdikit na ang mga mukha nila ni Drew!

"Ang sungit mo naman, babe! Galit ka ba sa akin? Ngingiti na 'yan..." sabi niya.

Bahagya niya akong kiniliti sa baywang pero hindi pa rin ako natinag. I had no reactions at all. Kung nakikita ko lamang ang sarili ko sa salamin, I could say that I was wearing my neutral face all along.

Hanggang sa tumigil na siya sa kakukulit sa akin, "Okay! Kung ayaw mong ngumiti, fine!" She then rolled her eyes. "Anyway," may ibinigay siyang papel sa akin, "that's my new e-mail and password. Diyan kasi nila ise-send 'yong mga picture kahapon sa practice. So you know what to do na, ha? Alam ko naman na hindi ka lang sa academics magaling eh. Magaling ka rin when it comes to photography kaya carry mo na 'yan, babe. May practice pa kasi kami so I'll go ahead na. I love you and I'll see you tomorrow!" Humalik siya sa kanan kong pisngi sabay walang lingon-likod na umalis.

"Teka, Vanessa! Saglit—" habol ko sa kanya pero dire-diretso lang siya palabas sa pinto. Ni hindi man lang niya ako nilingon kahit na alam kong narinig naman niya ako.

I heaved a deep sigh. Alright, same scenario!

Kailangan kong pagandahin ang mga picture nila para mas maging presentable kapag nilagay na sa school paper. As usual, a-absent na naman siya sa klase para lang sa cheering practice nila.

Madalas naman, sangkaterbang mga assignment ang pinapagawa niya sa akin. I even experienced being a proxy to one of her groupmates, kahit na may sarili rin akong mga kagrupo. And to make it worst, I even engaged in that so-called cheating because I secretly gave her answers during examinations.

Minsan, nagtataka na lang ako kung ano niya ba talaga ako — boyfriend ba o katulong? Mahal ko si Vanessa pero no'ng nakita ko siya kahapon na may kasamang iba, hindi ko alam pero napuno na ako ng pagdududa. Parang nawala agad 'yong tiwala ko sa kanya.

Mamayamaya lang ay dumating na ang teacher namin sa Physics at nagulat na lang ako nang magpa-exam siya bigla.

Shit! Hindi ako nakapag-advance study!