"قُلّ للفُؤَادِ وَ إِنْ تَعَاظمّ هَمّهُ، ربُ الْفُؤَادِ بِلُطْفِه يَرْعَانِي" 💛🍂
______________________________________
ظلت تبحث لوقت طويل لم تحسبه لكنها أحست بطوله حتي يأست من البحث ووقفت تنظر حولها لا تعرف ماذا تفعل حتى شعرت بيد تجذب ملابسها بخفه
استدارت لتتخشب محلامها من الصدمة بمن يقف خلفها صمتت كثيرا تنظر له تتعجب من وجوده الغير مصرح به في مكان كهذا كيف وصل إلى هنا من الأساس خرج صوتها المصدوم أخيرا...
_سيف
كانت إجابته ابتسامة بريئة زينت ثغره بفرحة مع نظرات عينيه اللطيفه التي تجذبك للنظر إليها وتأملها بملامح الطفوليه التي أبدع الخلاق ف صنعها
بادلته ابتسامته بسعاده لرؤية الفرحه ف عينيه ولكن تغيرت ملامحها سريعا وتسألت عن سب وجوده هنا
-انت جيت هنا ازاي وجيت مع مين
لم يجيبها هذهِ المره واكتفى بسحب فستانها بلطف حتى تسير خلفه
- ي ابني انت رايح فين وساحبني كده
بالطبع لم يجيبها وكيف سيجيبها عندما استدركت هذه الحقيقه سارت خلفه ف صمت حتى تعرف ماذا هناك .
وصل بها أمام باب ضخم ومزخرف بزخارف بحرية مثيرة للاهتمام فتح الباب وسحبها للداخل وجدت نفسها بداخل غرفة صغيره مظلمة نظرت حولها باستغراب ثم أعادت النظر لسيف بتساؤل لكن زادت صدمتها عندما لم تجده استدارت بحيرة وغرابه مما يحدث هي حقا لا تفقه أي شئ مما يحدث حولها
كادت أن تفتح باب الغرفه وتخرج ولكنها تصنمت عندما استمعت لصوته ينادي بإسمها نعم هو معذب قلبها وآسره
_أنا عارف انك ممكن تكوني مش طايقه تشوفيني ولا حتي تسمعي صوتي بس واثق انك عاوزه تعرفي حقيقة اللي حصل انبارح وواثق انك عاوزه تديني فرصه تانيه وانك عندك ثقه ولو حتى واحد فالميه اني مستحيل اعمل حاجه تئذيكي أو اسيبك ف موقف زي اللي حصل انبارح دا بدون سبب ووجودك هنا انهارده أكبر دليل على كلامي دا ساعات كنت بسأل نفسي هو انتي ممكن تكوني حبتيني أو بتكنيلي مشاعر من أي نوع وكانت الإجابه المنطقيه بالنسبالي لأ أكيد ملحقتيش بس أرجع تاني أقول لنفسي وليه لأ مانت حبيتها من أول ماعنيك وقعت عليها ماكنتش بلاقي الأجابه بس انهارده أخيرا لقيتها بوجودك هنا قصادي فالمكان دا وجودك انهاردة وضحلي إجابات كتير كانت مبهمه عندي، تفتكري خوفك عليا وثقتك فيا واللهفه اللي ف عيونك اللي مش عاوزه تواجهني بس مناها انك تلفيلي وتتملى مني تتأكد إذا كنت كويس ولا لأ كل الحاجات دي تتسمي إيه غير حب ي ملك ممكن تكون تتخطت حدود العشق كمان عشق مش عارفه تتخلصي منه لواحد جرحك انبارح بس وانهارده جيتي بأقصي سرعه لما عرفتي انه ممكن يكون حصلى حاجه يتسمى ايه دا ي ملك؟!
أجابته بهدوء دون أن تلتفت له : يتسمى غباء غباء من واحده للأسف ديما مابتحكمش عقلها
ارتسمت بسمة بسيطة على ثغرة :مش ديما تصرفات العقل بتكون صح أحيانا قلبنا بيقولنا ع الحقيقه وعقلنا بيرفض الحقيقه دي وبنسمع كلام عقلنا مع إن 80٪ من الناس اللي مشيت ورا عقلها وأهملت قلبها خسرت كتير جدا واللي اختاروا يسمعوا لقلبهم عاشوا ف سعاده أكتر
بس مش معنى كده بردو ان القلب ديما صح لأ القلب والعقل على الرغم من التناقد الدائم اللي بينهم إلا انهم مكملين لبعض ولو قدرنا نوازن بين القلب والعقل هنوصل لمنتهي السعاده
توقف قليلا ثم اتسعت ابتسامته وهو يكمل :شوفتي أديكي خلتيني محلل نفسي دانا كنت بدأت اقتنع اني غبي ع رأي الغربان اللي مصاحبه حاولت أفهمهم كذا مره ازاي هبقى ظابط ي غبي بس مابيفهمش بردو الظاهر كده ان مش أنا لوحدي اللي غبي اومال انا مصاحبه ليه
ضحكت ملك بصوت مسموع فأكمل هو بابتسامة واسعه وهو يضع يده على مؤخرة رأسه بطريقة مضحكة بعدما أدرك ماتفوه به :الله أكبر اضحكي ي اختي مانتي مش مدركة نتيجة الكلام الللي انا قولته ف ساعة عبط دا ايه انا بقيت ف قايمة الشهداء خلاص واللي قدامك دا حلاوة روح بس مش أكتر
لم يزيدها الا ضحكا وتحدثت من بين ضحكتها :ماتقلقش سرك ف بير
آسر وهو يلوي فمه : اسكتي مانتي ماتعرفيش حاجه
تحدثت استغراب وهي استديو آخيرا ولكنها كانت مطأطأة الرأس :قصدك ايه
تنحنح بجديه : ماتخديش ف بالك خلينا نرجع لمرجعنا
نظر لها مطولا وبد يتحرك ببطء شديد تجاهها وهو مستمر ف التحدث: ملك انتى بتقولى انك ماحكمتيش عقلك مع انه اداكي الاجابه من بدري يمكن من قبل اللي حصل دا كمان يعني قلبك وعقلك الاتنين دلوكي ع الحقيقيه و اتفقوا علي اني مستحيل اذيكي بأي شكل من الأشكال وانتي رفضتي تصدقيهم
أنت تقرأ
ملاك وسط الجحيم{متوقفه حاليا}/بقلم فيروز
Adventureالفهد كما يطلق عليه يهاب الخالق ولا يهاب غيره ويهابه الجميع ناجح في عمله ولا تقف امامه قضيه له من لقبه نصيب يعشقها منذ طفولتها ولكنها تركته وتزوجت من غيره فقرر ان يكرز حياته لعمله فقط ولكن لا أحد يعلم ما يخفيه القدر.... بريئه الي حد السذاجه كانت تع...
