املي المبعثر

الجزء الرابع

نور
انتة شو بايع ميانة
احمد
امون علة بت عمتي
نزلت النقاب بس اني عيونهة مطيحتني ششكلهة حلو ومقبول
ضليت اسولف وياهة وبيوم الاروح للدوام واجي ارجع ملهوف علمودهة وبحجة اروح لعمتي كمت اروح اشوفهة
الى ان جدتي لكفتني
الجدة
ها جدة شو لازك يم عمتك اكو دبكة مبين
احمد
حجية لاتفضحيني استري علينة شيخلصهة داشوفهة شوكت تقبل اجيهة واخطبهة من اهلهة
الجدة
الله يوفقك وليدي
احمد
ايروحلج فدوة ساهر
الجدة
ههههه امشي يلا اغم
تقلد علية نوب
احمد هيج جدة صارت
نور
ها احمد شلونك
الجدة
اي سلمي سلمي
احمد
هلا يبعد هروش كلبي
نور
يا احمد شدتكول
الجدة
عرامة مال نسوان
احمد
حبيبتي تفضلي وياي عل الصف
الحجية تدري بموضوعنة
نور
لابيبي شنو الفلم ماكو شي
الجدة
اي العيارة عبن الوليد يريد يجي يخطبج من اهلج كليلة شوكت يجي
نور
ياخطوبة ياصخام
احمد
نور شبيج نفعلتي اني ماحب التختل اريد نفضهة ونحجي كدام العالم
نور
لازواج ولاعرس واصلن حبيت اضحك عليك اني والله بطران انتة اصلن ابن عمي البارحة حجة بية وابوي انطا لان احنة واحد يحب الثاني
احمد
شنو ولج شكاعدة تلغين شنو هل اللويصة الدتحجين بيهة والطيحان الحظ شنو صارلنة سنة واحد يحب الثاني وليلي مانمة بسببج تكوليلي اضحك عليك ولج بطول زري شنو هل الحجي
نور
اي مثل ماسمعت وازيدك من البيت شعر اصلن اني كتلهة اامي احب ابن عمي راشد وهوة يحبني واني اصلن ماحبك
احمد
كمت خنكتهة خليتهة تتشاهد لحد ما جدتي جرتني ركعتهة راجدي من راجدي طك خشمهة دم
جدتي كامت تعيط خليت وطلعت اني
وبعد الحجي طلعت بيبي لايمتهة وفعلا هويت انسانة متسوة الحب ولا الاحترام وكايلتلهة لعمتي وعمتي مكطعتهة تكطع مخلية جسمهة يزورك وينزف دم وبيوم زواجهةعمتي كايلتلهة لو ما خوانج يذبحوج وتنفضح سمعتنة جان وصلتهة الهم وخليتهم ينهشون بيج ولة اني احمد جمار كلبي بعدج شكدودتج تتمعشكين وتضحكين علية ولج لو ما اخذج علة كد عقلج جان فناج من الوجود ياغبية
وزوجت وامهة ماراضية علية
اجتي امي من المشية
زهيرة
سودة علية نورة شحالهة صاير ولاتكول مشية وراح تعرس شلون واكعة وكعة من درج جسمهة مزورك
الجدة
اي لعد الكح____اب هيج يصير بيهن
زهيرة
يومة اول تالي تفشرين هيج
الجدة
اسكتي عني انتي ثانية مالي خلكج جبدي ممرود
احمد
جدة تعالي اقري علة راسي اريد انام
زهيرة
سودة علية كون بية الوجع ولابيك حبيبي يمة شجاك صارلك ٤ ايام مدهورة حالتك وعيونك مورمة
وليدي احجيلي شبيك يابعد امك
احمد
ونضر عيوني وغلاتج مابية شي بس متلاغي بلدوام
زهيرة
وليدي يادوام هوة انتة اجيت فرحان وكتلي عرسيلي وفرحان
هسة تكولي متلاغي بلدوام وصخونتك تجوعر والعيون ناطة
احمد جنت نايم بلديوانية يعني استقبال وصحت لجدتي
تقرة علة راسي من بعد دكت نور مالي قابلية ولسة مامستوعب دكتهة الناقصة اني مرة سنة كاملة تضحك علية ياسهرنة ومسامرنة وروحتي لبيت عمتي ولهفتي الفاضحتني
جدتي كعدت تنعيلي
الجدة
يومة تكلة خوش لمة خوش لمة وية الحبايب خوش لمة
ومحملة جتني بنكلهة ولن المبشر طب كبرهة
يوومة يحمود يومة اشرج واريدن من وصلهة
اوف يومة شلون بية شلون بية
وانة محمل فراك شلون بية
يومة اريد اليكلي اشبيج تبجين
يومة اريد اليكلي لاتهمين
وانة اليدرون بية مامن معين
البيت طايح كوسرا والبيت ناطورة مرة
يومة وكضيت عمري بمرمرة
وانة من غير امي منو اليرحم بحالي
اخ يايومة ويومة الوالدة تعلم ابحالي
وانة لو ضايجة تكلي تعالي
يومة وانة لاجيت انة لبيتج بريبة
يومة ولكيت بي بس الغريبة
اوووف وغربيندة مانجيبة
يومة وماكالو تعالي كبحين ماكالو تعالي
يومة ويلساهمتني من الشوية
يومة انتجة ابن امي علية
يومة ولاتكطعين الوصل بية