جبروت الهبار

حرق ورقة 24

في لقائنا الأخير .. قال لي :
" أنتِ بتعرفيني "
و أردت أن أقول الآن ما بقيَ عالقاً من الإجابة . .
أنا لم أعرفك قط . .
لقد كُنتَ كما أراك أنا وليس كما تبدو حقاً . .
lll8._l
..

فتحت الباب صار بوجهي الهبار وگف گدامها ومبتسم وهي تضحك
من شافني تلاشت ابتسامته

ودي..
قبل لايكمل كلامه عفتهم ورحت ركض لغرفتي قفلت الباب وگعدت ورى
لا لا مايسويها معقولة؟؟

ضليت اصرخ بدون وعي حسيت الدنيا زغرت بعيني مادري شنو سويت وليش هيج سويت
جنت كاتمه غضبي وانفرجت
ضليت اصرخ واشرمخ يوجهي وامشع شعري ابجي بطريقة هستيرية
ليششش ليشش

اهخخخ اخخ گلبييي الله ياخذنيييي الله ياخذني اريد اموت اريد ارتاح اصرخ واشرمخ بوجهي
باب الغرفه تفلش وهو يندگ

اسمع اكثر من صوت برى يصيحون فتحي الباب

مادري شصار بية بوقتها ماحسيت بنفسي شسويت صرخت لحد ماتعبت وبعد ماحسيت بالدنيا

فتحت عيني شاديلي مغذي

فتحت عيني ونملت دموع الرجفه البيدي وروحي التبجي دم مو بس عيونيي

اجه الهبار بسرعه گدامي عيونه حمررر وشكلة مخربط اخر مرة شفته هيج من توفه همام الله يرحمه

درت وجهي عنه جان ضرغام موجود  واحس النفس نگطع عندي ماريد اشوفهم تعبت ماريد اشوف احددد ماريد اعيشش

ليش جبتونييي هنا ليش؟؟
اريد اموتت انه اريد اموتتت

گعدت سحبت الكانونه من ايدي

رجعوني للبيت وانه الطريق كلة اتمنى اندعم واموت وصلت للبييت
رحت ركض لجدي

اريد اروح ل امي اريد اروح لهمام صارلي اربع اشهر مرايحتلهم
احجي واشهك گوة تطلع الكلمه مني

ابو وائل"؏ كيفج بابا شبيج شبيهاا شمسوين للبنيهه

ضرغام"وديان شكو فهمينه لاتخلصينها مناشغ علينه

اريد اروحححح للنجف ودوني ترى والله اروح بحديي

اباوع للهبار خازرني عيونه حمر حواجبه راح ينشلعن گد مارافعهن ومخنزر

الهبار:

كافيييييي گعدي لاوحق الله اطلع تعب لدنيا كله بيججج

وديان: شتسوييي بلا گلي شتسويي؟؟
لاخاف منك ولامن غيرك خوششش

الهبار: كافييي  زغيرة انتيييي زغيرة؟؟؟؟
طگت روحي شهللل عيشه هاي لاتنرفزينييي ترى خلگي واگف ع شعرة

_مامجبوررر  مامجبور تورط روحك وياي مامجبور تخطبني وانتَ تدور غيريييي كلشي سويته انتَ مامجبوررررر تسويييي
اكرهكككك شايف الكره والحقد العندي الكك اتمنى اذبحك هسة  شتفرق عن امير نفس الخيسسسه