جبروت الهبار

حرق ورقة 28

انتَ ذاك التعصر إيدي عصرة التطلگ چنت
من تجي وڪلساع بڪلادة خِفت
آنه چنت مراية إيد و موش ڪل وجهك شفت
تعوفني وتڪدر بدوني ؟
ليش يا ثالث عيوني ؟
لا تخليني أحسب رموشك واغيبك
وآنه ڪلب أمك عليك
والله أطيح وياك إذا مابيّه أطيبك
ڪون چف فزاعة چفي
بلايه أصابع تگدوني معوّل عليك
جرس ثاري
وويه مآ باب إنفتحلك شلت إديك
چدامي مثل الگذلة ثگّلها المطر
الدنيا تمطر ..
وأشتهي ترد المحنّة البالرسايل والصور
غابت شموسك والفياي إنهب
وآنه وصيت وڪلت ذبّ الگلايد
لا يجيس آثار بوساتي الذّهب
من درت وجهك وأمانك شح عليّه
خوفة الڪاتل خفت حتىٰ إمن إدية !
ومآ تفض ..
أغنية تدفعني وأجي لبابك رڪض
وانزويت
وأذب يم العتبة حسرة
آخ يا تچايتي شسواك ڪسرة
لا حرام الله رضاها ولا حلاله
حبيّبك محد بقاله
والسوالف تنتهي بعوفوه بحاله
وعافوه بحاله ..

lll8._l
wde9.8
..
شلونه هسة؟؟؟
..
خوش خوش هسة جاي

_شبيك شصار؟

_جدي شوي تعب رايح انه لاتنزلين ماريد اي مشكله خوششش

_خوش

بسرعة بدل ملابسة اخذ تلفونه وطلع

_ضليت گاعدة وگلبي گارصني ليش وجهة نخطف وطفر هاي الطفرة خاف جدي بي شي

لا اسم انشاءالله ماكو شي
گمت طلعت ملابسة كلهن شمؤتهن ع جرباية رتبت ملابسي واخذت ملابسة كويتهن كلهن

ساعة ونص اكوي احس ايدي نخلعت

علگتهن بكنتورة كنست الغرفة ومسحت الاخشاب سويتها تلمع باوعت الشاشة ضالة بمكانها مكسورة اباوع مشتري عطور جديدة يمتى اشتراهن ذن

اخذت عطورة رشيت لنفسي عندة ريحة حلوة دائما يستخدمها

باوعت للملابس البيت المشترياتهن البنات بعدهن بجياستهن

طلعت دشداشة مثل الفستان تلث ارباع وردي لونها ورداانها طويلة يعني مال بيت مو مال نوم حلوة

مشطت شعري سويته ذيل حصان وخليت باند ابو الدب لشعري 

خليت مكياج خفيف گعدت ع جرباية
ع جهاز ندگ باب الغرفة گمت فتحتة

_هلا والله قمورة
_لك عينيي لولو شهل جماللل

_ محد جميل غيرج ولج كل ماتكبرين تحلين

_هههههه شسوي بعد ربي بدع بخلقتي

_اصلا كلش متواضعة انتِ

_اهم شي الثقة بالنفس ههههههههه

_شنو وين البنات؟
_اختي يم ريم والبقية جوا ماتستحين حابسة روحج بالغرفة احنه المن جاينن

_يختي وين اولي اگعد واسكت مابية حيل مشاكل

_ها قصدج بيت عمي وائل