وجع القدر
بقلم سلسبيل الجادري
" لا شَيء يَحدُث عَبَثاً ، داخل كُل قَدَر سِر .. يُمهّد الطريق لِقَدَر آخر "
جنت تعبانه من شغل البيت اليوم نضفت البيت كله
وبنتي نرجس تبجي ماعرف شبيها واني اعصابي تعبانه من كلشي حطيت راسي ع جربايه وغمضت عيني ورجعت الى قبل كم سنه واني اذكر شنو صار وشلون جنت شاطره ومتفوقه بمدرستي ولا يوم رسبت او اخذت درجه قليله جنت كله درجاتي 90
يوم السبت بتحديد عطله وكاعدين كل اهلي وخواتي واخواني ع سفره الغده وامي مسويه دولمه الي نحبها صاحت امي عليه تعاي يمه ايلاف ذبي الكتاب كافي تقرين وقت غده
اجيت لسفره وكعدت يم امي تغديت وكملت لميت سفره ويا اختي ومرة اخوي ورجعت اقره
امي كالت ايلاف كعدين ساعه 3 ونص وحضري ملابسج نطلع لسوك اريد اسوك للبيت ولخواتج والج شنو تردين موو تنسين وضلين تقرين
كتلها تمام يمه
حطيت كتبي وقريت
إلى ان صارت ساعه 3 كمت سبحت وبدلت لان ماشاء الله امي ب 5 دقائق تبدل وضل دردم عليه واني ماصدكت حصلت طلعه لسوك ع ماراحت تبدل كتبي احتياجاتي شنو اريد
اجتني كالت كملتي
اي يمه كملت يله نشوف تكسي ياخذنه لسوك خلي نطلع نتمشى راس الشارع بلكي نشوف سياره
وصلنه لسوك واني امشي واباوع وامي تسحل بيه
امشي ولج شبيج صافنه
اي اي يمه غير اباوع واشوف شنو اشتري
ديله مو تشترين اشياء مالها ضروره ويله همي نفسج نرجع من وقت روح للخياطه انطيها لقطع الي راح اخذها الجن والي نحجز عدها
رحنه لمحل لقطع اخذت قطعه الي ع ذوقي
واخذت لخواتي امي كالت انتي تعرفين بذوقهن
اخذت الهن ولمرة اخوي سرى ورحنه ع ابو لماعين اخذنه امي تريد فضل لجيرانه شالو بيتهم
اخذت الهم خلاط مال عصير
يمه يمه هذا محل تعاي دخلت اخذنه قراصات وعطور واشتريت شال ودانابيس وصتني سرى
واخذت مرطب
ورحنه ع محل ملابس نشوف شنو نازل جديد كوه سحلت امي يمه مااشتري بس اباوع
وراها رحنه محل مواد الغذائيه
كملنه احتياجات البيت واخذنه حلويات لجهال
وحلويات الي
امي راحت تشوف تكسي نرجع بي لان اشترينا هواي مانكدر نشيلهن وخلتني يم لغراض
ضليت ادردم وين عافتني رايح وراد عباله ابيع
هسه اني لو ضاله اقره مو احسلي
مستمره ادردم ع امي الي اختفت واتاخرت اجيت ابجي
واني ادردم. مر شاب حلو انيق مرتب اويلي جان لابس قميص تركوازي وبنطرون اسود ضليت صافنه وعليه وهو وكف يخابر وكنما تعمد يوكف
