وجع القدر 3
بقلم سلسبيل الجادري
{وَاصبِر عَلى ما أَصابَكَ إِنَّ ذلِكَ مِن عَزمِ الأُمورِ}
بعد ماسحب الجهاز من ايدي حتى يمنعني اخابر ع عمي وكعت ع ضهري
صرخت بألم
ضليت ابجي من الألم
اجه يمي كومني يريد يشوف شبيه
بس اني دفعته
عوفني وروح مو كلها بسببك
دخت لتواليت ضليت اصرخ
جاي انزف
خاف وكال راح اجيب اختج
عافني وراح يجيب اختي الي مزوجه بيتها قريب عليه
اجت اختي
كالت غسلي وطلعي
كتلها جذب ماانزف بس اريد اخوفه
ضلت تحجي بصوت عالي
وكلتينه هبطه تنزفين وتالي ماكو تحجين صدك
اخر شي رحت لدكتوره
بعد لفحص كالت راح يصير عندج ولادة مبكره
طلعت من دكتوره خايفه
لا يروح طفل مني
ومرة الايام واني نايمه ع ضهري
لان اخاف من انو اسقط
واني ماصدكت يصير حمل
بعد كل هل سنوات
الله رزقني بي
واجهه شهر تاسع ودخلت بخوف من لولاده
صار عندي الم
خابرت امي كالت هاي تشاليع مال تاسع
بس اني احس بالم وكنما ولاده
استمر الالم 3 ايام
ومااكدر ارجع دكتوره
قبل فتره رحت ولازم تحاليل وسونار وعلاج وفلوس هواي
ثالث يوم باليل كعدت فارس
كتله بعد هذا حدي ويا الم لو تاخذني لو يصير شي
رحنه للمستشفى ساعه اربعه صبح بس اني وفارس
بعد لفحص كالن عندج ولاده تعاي ب 8 صبح
طلعت من مستشفى كلت فارس
ورجعنه لعيالي ماقبل روح للبيت
خاف صير ولاده ومحد يمي
ساعه ب 8 رحنه مرة ثانيه للمستشفى
هل مره ويانه عمتي
فارس راح لشغل
واني وعمتي رحنه للمستشفى
اخذنه حماي
الخوف والالم وتعب
حتى مااكدر افكر بشي
وصلت بالمستشفى
ونسوان الكاعده لازم تسئل واسولف الهم سالفة حملي وكم سنه بقيت
ويدعلي
فحصتني الدكتوره كالت عندج ولاده
روحي لردهه
طلعت كلت عمتي
خلي نسجل طبله
عمتي كالت مااندل ويردون جناسي
عمتي مو نوع نبهه وتعرف
لكيتها رايحه ويا حماي جيب جناسي وعايفتني وحدي
خابرت ع امي ومرة اخوي يجي يمي
اول ولاده وخطره محد وياي
دمعت عيوني ع وضعي
اجت امي ومرة اخوي كالن وين عمتج.كتلهم مادري
عافتني لا فلوس لا احد يمي
اجت ممرضه كالت يله لصالة لولاده
دخلت للصاله وخوفي بقلبي
وافكار تجي ماتخطر ع البال
من دخلت لصاله ضربوني ابرة رئه
ضليت اتلوى منها
وكالن كل ماتأخرتي احسن
ل 2 ظهر واني بعدني
الموت شفته بعيني
وضع طفله خطر
