خيانة السنين
بقلم سلسبيل الجادري
الكلمـة السيئة تــؤذي ولو البستها وشاح المزاح ، والكلمة الطيبة تسُر ولو كانت مجاملة "
بعد ان طلع الحجي ضياء كال اني اني ادور القطع باسمج
شنو تردين حاضر
يمكن عباله بالفلوس والقطعه او بيت يشتري سكوتي
المهم شريد منه بعد خلي استفاد هو هيج هيج طلع من كلبي
طبعاً الحجي ماقبل يدور القطعه بأسمي
كال شنو الي يضمن انتي ماطردين ضياء
كتله تريد صدك مااضمن الك بعد سواه كلشي ماله بكلبي ولا بيتي
من طلع كال ماعليج والله كم يوم واخابرج ونتفق وادورها بأسمج
بس شنو يحجي بخوف
محسسني اني وزيرة الخارجيه ويخاف مني
يله اهم شي اني استفاد يخاف مايخاف
ويا مكاعد الحجي سولفت كلشي ع امه واخته ضيم 18 سنه طلعته بربع ساعه.
وياريت ارتاح بنار الي خلاها بكلبي
نوب اني احجي ضيمي وعصبيه وامي تكرص بيه
ادري هسه امي انتي وياي عليه غير اعرف
والله شنو عيب من الحجي رجال جبير صيحين يمه
يمه شترديني اعصاب بارده واشرب قهوه واسولف طال عمرك حجي ابي القطعه بأسمي
ويا ذيج بواكة ريايل يا اني
هزت ايدها امي
والله يمه اكعدي وسكتي لا ضيعين وليداتج وبيتج
ورجلج غلط ومايعيدها بع
شيفيد يمه الي نكسر مايصلح بعد
سنتين واني ياغافلين الكم الله
ثاني يوم خابرتي كال الاربعاء نداور القطعه حضري كل مستمسكات
واني عندي واسطه راح سهل الامور علينه ماطول ان شاء الله
وفعلاً ماطولنه وداور القطعه بأسمي بس رجعت عود هو مكيف دار القطعه بأسمي راح اسكت
كتله تبيع هذا البيت وابني القطعه
كال شنو
كتله شنو ماسمعت يعني كتلك اريد ابني القطعه
صفن كال يصير خير اني اترخص
كتله اي اي روح اشرد
روح الها
تخاف منها عيني هيه هاي زلم تخاف من نسوان
ادري بيك تخاف منها ماتبني البيت الي
اني اريد استفزه اريد يصير عصبي
حتى يطلع قهر بيها
عافني وراح ضحكت من راح
امي كالت ضمياء كافي تره احتاريتي شنو سوين
ضليت الطم شنو احتاريت شسوي
يعني شسويت اني
كل الي ردته حقي ياناس ياعالم ردت حقي
اعيش مثل هاي نسوان
نوم لظهاري وفلوس صفطات بجيبها
ولا تشتغل ولا تتعب وزلم تباوع لحلوكهن
شو اني ضيم 18 سنه من امه واخته
واشتغل واحط بالبيت واشتريت بيت اله
وسويته من لاشيء
وتالي هيج يجازيني
يكوم يتزوج وبسر
امي كالت هسه اني عايفه بيتي ومجهوله وكاعده يمج وانتي لا راضيه تجين وياي ولا راضيه تعوفين لبيت
وفوك هذا اعصابج وماتتحاجين عمي اروح البيتي احسلي
اني بيا حال وامي تزعل مني
يمه فدوه حسي بنار الي بكلبي مشتعله
لازعلين مني يمه والله صايره ماتحمل بسب المصايب يوميه شي
نوب ولدج الي همه اخواني
لا اجو لا سئلو عني
لاتعنو الي وكالو اختنا بضيج طايحه
وبديره غريبه واستفردو بيها
وره يومين اجه كال وبيش تبنين البيت مايراد فلوس
كتله بيع هذا البيت وكمل القطعه
موقعها حلو وجبيره
وهذا البيت قديم
غير اني جايبته بترميم
كال خوش راح اعرضه للبيع واشوف اعلى سعر ابيعه
ع مادفن لقطعه عندي مليونين خلي ادفنها
بس مو دكولين لقطعه بأسمج
كتله خوش ماكول
ضحكت بكلبي كلت اني زوج افوتها الك
سمعت ذيج لقطعه صارت بأسمي ولقطعه جاي ابني بيها
وهيه بالايجار
صارت مشاكل بيها وطلايب بينها وبينه
واني فرحانه بمشاكلهم
ديله تعاركو ثنين فرح ثالث ههههههه
كل الي يسمع راح ابني القطعه وهيه مو بأسمي يتفاجئون معقوله ام احمد انتي هيج مانصورها
اني اضحك من يحجون
بعدين عرفو كلشي بأسمي
بهاي الايام ضياء كام يطمع بالولد
ينطيهم فلوس
كل يومين وجاب فلوس انطاهم
يابه ماريد عندي فلوس
يومين وسوك للبيت ترس ثلاجه
كسب ولده كلهم
بحيث كامو يكولون الي شكو روح للبصره
احنه نبقى هنا تردين روحي انتي
فلوس وينطيج ابوي
بيبتي وخلصتي منها وراحت
ورها طلع الحجي كله
مثل مانكول بالمواقف تعرف لوجوه
وتعرف عدوك من صديقك
طلع ناس تسير ع ناس
هاي حماتي جبيره عود الي هيه جانت بصفي ومن جانبي
واني جنت الخياط الفصال الحلو
من اروح لزياره اذكرها بصوغه
الاكله تحبها اسويها ودزها
من تجي يمنه ماخليها كلشي سوي
طلع ياعيني ناس تجي ناس
ويطلعن ويمشن سوه
والكعده وضحك وسوالف سوه
وعمري وكلبي
وطلع النيشان مجمعات فلوس ومساعداته
وزوج وانت ياخوي تعبت ومرتك ومرتك
مرمر كلبجن البين كون
المهم خلصت هاي سوالف وسمعت كلشي
ضليت اسمع منا واطلع منا
فد يوم اجتني بت خالة ابو احمد
كالت جا ماتدرين غير ضرتج مسقطه تؤم سمعت هيه بهاي. سنتين
وعمتج مكابلته وداري بيها
وحمواتج خطيه ما خطيه سوده بوجهي خويه
ماتهنه بتؤم
صفنت وذكرت اني من جنت احبها بولدي 3 ولدي
بس ادخل بتاسع اول يوم تاسع تشرط عليه اله ترحين اهلج
حتى جيرانه يكولون الها خليها احنه نداريها
ماكو اله تروح اهلها وابقى يمهم 22 يوم اكثر يله اجيب
في سبيل لاتخدمني وداريني دزني ع اهلي
بيوم من الايام صعدت فوك السطح
ودعيت وبجيت كتله ياابو فاضل اني اجيتك ونخيتك وبجيت يمك
اشو مانطيتني مرادي ليش
وره يومين اجاني اتصال
ضياء مسوي حادث خلي يجون ولده
يومـاً ما سيكـون لدي
كُـل شيء صلـيت من أجلـه
يتبع.....
