2وجع القدر
بقلم سلسبيل الجادري
أطوّخ بالخلگ
واتناسى المدخنات
واضحك للخلگ واتمايل عذوبه
واشاقيهم واسولف چلمة المرتاح
بس هي المصيبة الروح متعوبه
ياريت اني بحلم واكعد من نوم والكه كل الي صار ماكو بس للاسف هذا الواقع ولازم اعيشه شئت ام ابيت انكتب عليه اترك دراستي وحلمي ومستقبلي
واتزوج واحد اني ماعرفه حتى ماشايفته
كله بسبب عادات وتقاليد اهلي
صفنت ع نفسي شلون ضيعت كل احلام الدراسه
واني اسمع خالتي شلون تسولف الامي
عن المره الاجت تخطبني حتى طريقة خطوبتي مو مثل الناس
مرة جايه بشارعهم تسئل عن بنيه تريدها الابنها وخالتي كايله عدها عندي بت اختي
خوش بنيه وحبابه تردين اخذج الهم وشوفيها
وصدك اجت هيه وخالتي العصر الاحد صادف
اني جنت ع سطح انضف كلت العصر ماكو شمس وانضفه ع راحتي لان صبح حاره.
امي جمعت اخواني وره العشه بليل وكالت الهم عن الي خطبتني وانطتهم اسمه وعنوانه وكالت اسئلو عليه اذا خوش ولد وحباب واخلاقه زينه توكلو
ورد الموافقه الهم
حتى تجي ونتفق ع باقي. الامور
رد اخوي ان شاء الله يمه مايصير خاطرج اله طيب
ومرة الايام واخواني بعدهم يسئلون وكل الناس تمدح بي وباخلاقه واتفقو يردون خبر الموافقه الهم
تمنيت الناس دكول لاتنطوها
بس هذا قسمتي من الدنيا ولازم اخضع الها
وعسى أن تكرهو شيء وهو خير لكم
وعسى أن تحبو شيء وهو شر لكم
واجت ام فارس مرة ثانيه وكعدت ويا امي واتفقو ع يوم المشيه والعقد شيخ والحفله والمهر
وتم كل شي بسرعه
وبدينه نرتب البيت ونضف
طبعاً لازم بالمناسبات البيت ينكلب ع البطانه
تنضيف وترتيب وتغير وطلعت امي ومرة اخوي جابو كم شغله للبيت
اجت يوم الجمعه واجت المشيه
وكالو سوو درب نعقد الها
اني مرة اخوي لبستني فستان ابيض وحطتلي مكياج خفيف ورتبت شكلي وسوت شعري
الشيخ يحجي صيغ العقد واني ولا يمي
كنما اسمع كلامه بالحلم يحجي
هل تقبلين الزواج من فارس فأن قبلتي قولي نعم انت وكيلي
امي جانت واكفه بصفي حاجتني بصوت ع كيف
ردي ع شيخ
رديت الموافقه
نعم انت وكيلي
امه وخواته هلهلن
وبارك الي شيخ وطلع
واني مازلت منتظره الي امر بي حلم
طلعو كلهم وكعدت صافنه ع حياتي الجايه شنو
والبيت الي راح ادخل اله شنو
راح ارتاح لو اعيش بحرب وياهم
خليت كلشي ع الله
وكمت الم وياهم الاستقبال والبيت
لان باجر الحفله وتجي نسوان
