الأمل بالله
بقلم سلسبيل الجادري
أمطِـر عَلينا بريحِ يُوسُف ، فكلنـا في كـربِ يَعقوب .
في الجمعه عطله نصف سنه
والجو حلو
اهلنه عدهم طبع كل فتره وطلعونه سفره لمكان
شرط هذا لمكان مابي احد
حتى ناخذ راحتنا ومانتقيد بناس ولان همه طبعهم عصبي ومتشددين فا يختارون مكان منعزل عن الناس
رغم همه متشددين بس ويانه مدللينه
جان يوم حلو لهوى بارد وسماء صافيه
عمو جاي يشوي بسمج ويا ابوي
اشوفهم يحجون بيناتهم وصوتهم ناصي
وكل مايجي احد يمهم يسكتون
حسيت اكو شي بالموضوع
والاكثر اني لمقصوده من كلامهم
صاحتني بت عمي
ايمان تعاي ويانه جاي نلعب
طبعاً احنه بينه طبع من نطلع نلعب اي لعبه وكنما نعيش لحضه احنه زغار واحياناً عمامي يلعبون ويانه عادي
عدنه عمي عباس كلش سبورتي
هذا عمي صغير
ويا احنه ميانه قويه
اقترح علينه عمي نلعب شده ياورد ونحطه هو بنص
حطينا بنص وضلينه نغني
شده ياورد شده منو الورد شده عبوسي الورد شده
عبوسي دور دور صاح عمي لشجاعه دكول خشمي
قوري اله احطجن ع قوري وكبل ع فحم
ضحكنا عليه
صار وقت نفرش سفره ونحط الاكل
وتجمعنا ع سفره سوالف وضحك وناكل
احب لمة اهلنا كل احنه گلب ع گلب
ماعنده حقد بيناتنا ابد
هذا الحلو بينا
اني ايمان عمري صغير حالياً 13 سنه
خاطبيني
وبعدهم ممنطيهم جواب
عن طريق ناس معارفنه
احساسي يكول عمي يريد يخرب لخطبه من هذا وياخذني. الابنه ليش هيج احس
لو اني صايره اتحسس هواي
اوي شو خليني العب واضحك ويا البنات
صار وقت نرجع لبيتنا صاح عمي جبير احمد
يله بويه لمو غراضكم
حتى لانتاخر طريق ويانه لبنات يله همتكم
وصلنه للبيت تعبانين دخلت ارتاح بالغرفه
وره ساعه تقريباً اجه بابا يمي
سد الباب ودخل كعد ع سرير
كمت اني عدلت كعدتي احترام اله
بنيتي ايمان اني اخاف عليج وادري بيج عند الغرب ماتعيشين
اجيت اخذ برئيج شرايج الولد الي جاي رفضه
وانطيج الابن عمج امير اليوم عمج خطبج مني
واني يم اخوي أمن عليج
الغربه شعرف منهم
رديت عليه بابا بكيفك اني شتفصل اني البس
اجت امي بلغها بابا عمي تقدملي
امي كالت بكيفك بعد انت اعرف بيت إخوك
كالها خابريهم وكليليهم ابن عمها رايدها
والله يرزقكم بت الحلال
وفعلاً ثاني يوم امي خابرت الناس ورفضتهم وتعذرت منهم وكالت الها ابن عمها يريدها
ومرة الايام عاديه
انضف واطبخ واغسل ملابس وماعين
ماعندي غير هل روتين
امي اليوم مسويه حمله ع البيت
وقت الغده اتصل عمي ع ابوي بلغه بليل نجيكم
