Unicode~
အိမ်က စားဖိုမှူးကြီးချက်တဲ့ မနက်စာလက်ရာထက် ကိုကြီးနဲ့အတူစားရတဲ့ မနက်စာအရသာက လုံးဝသာလွန်ကောင်းမွန်ကြောင်း တစ်လောကလုံးကို ကြေညာမောင်းခတ်ချင်လိုက်တာ။
ကိုကြီးခေါ်လာတဲ့ ခေါက်ဆွဲဆိုင်က ရိုးရိုးရှင်းရှင်းလေး။ ရိုးရိုးတန်းတန်းခေါက်ဆွဲတစ်ပွဲနှင့် ကင်မ်ချီသာ မှာစားဖို့ရန်ရှိသည်။
သည်နေ့မှ ခေါက်ဆွဲပြုတ်က အဲ့လောက်တောင် အရသာရှိနေရလား။ မယုံနိုင်စရာပါပဲနော်။"ဒီနားမှာ ဒီဆိုင်ပဲရှိလို့။ မင်းကြိုက်တဲ့ steakတော့ ရှိမှာ မဟုတ်ဘူး"
"ကိုကြီးကလည်း.. ငယ်..အဲ..ကျွန်တော်က ခေါက်ဆွဲပြုတ်လည်း ကြိုက်ပါတယ်"
ကိုကြီးက ဘာမှမစားဘဲ သူချည်းစားနေရတော့ အနေရခက်သလိုလို။ မသိရင် သူကပဲ ကိုကြီးကို အငတ်ထားထားသလို ဖြစ်မနေဘူးလား။
"ကိုကြီးလည်း စားဦးလေ""ကိုယ်အိမ်က စားခဲ့တယ်"
သူတို့မနက်စာစားပြီး ဆေးရုံကို အတူထွက်လာကြသည်။ နေ့တိုင်းသာ ကိုကြီးနဲ့ အလုပ်ချိန်တူနေရင် သိပ်ကောင်းမှာပဲ။
အခုတော့ တစ်ယောက်ကမနက်ဂျူတီ၊ တစ်ယောက်က ညဂျူတီလို မဆုံမကြုံတဲ့နေ့တွေ အပုံလိုက်။"ကိုကြီး ညဂျူတီတွေက ဘယ်နေ့လဲ"
"ဘာလုပ်မလို့လဲ"
"ကျွန်တော်လိုက်ပို့ပေးမယ်လေ။ ညကြီးမင်းကြီး တစ်ယောက်တည်း စိတ်မချဘူး"
"အဟင်း.. မင်းမရောက်လာခင်တည်းက ဒီလိုပဲသွားနေကျ။ ပြီးတော့ လိုတာထက်ပိုပြီး မင်းနဲ့နီးကပ်မနေချင်ပါဘူး"
ထိုစကားကတော့ Taehyung အရှိုက်တည့်တည့်ကို ထိသည်။ ရည်ရွယ်ပြီးပြောလေသလား။ မရည်ရွယ်ဘဲ ပြောထွက်မိလေသလား သူမသိ။ သို့သော် သေချာတာက ကိုကြီးအတွေးထဲ သူက အမှိုက်လိုကောင်ဖြစ်နေတာပင်။
ဤအတွေးနဲ့အတူ သူ့နှုတ်ခမ်းပါးများ နှုတ်ဆိတ်သွားရသည်။သူ ကိုကြီးကားထဲမှာ ကသိကအောက်ခံစားချက်နဲ့အတူ နေရခက်နေ၏။ ကံကောင်းထောက်မစွာပင် ဆေးရုံကားပါကင်ကို ရောက်လာ၍ တော်ပါသေးသည်။
YOU ARE READING
ᒪᑌᗷᗷ - ᗪᑌᑭ
FanfictionYour are the owner of my 'LUBB - DUP'. Recommended song - 'I don't know why' by NOTD, Astrid S Kookv JJK x KTH