Unicode~
"Park Eunyoungနဲ့ လာတာလား"
စိတ်ထဲ မကျေမချမ်းဖြစ်သွားပြီး ပါးစပ်ကပါ ထုတ်ပြောမိသည်အထိ။
ရင်ဘတ်ထဲက ခုလုလုခံစားချက်က နာကျင်အောင့်သက်နေ၏။ အဆက်အသွယ်ရှိနေခဲ့တာလား.. ကိုကြီးနဲ့ Park Eunyoungကလေ။
သည်အတောအတွင်း သူကသာ အရူးတစ်ယောက်လို စေ့စပ်ဖို့ ပြင်နေရတာပေါ့။မျက်လုံးထဲက မျက်ရည်တွေ လျှံတက်လာသည်။ ဝမ်းနည်းစိတ်နဲ့ ဒေါသစိတ်၊ မနာလိုစိတ်.. အားလုံးက ရောပြွန်လျက်။
ထိပ်တိုက်ရင်ဆိုင်လိုက်သင့်လား။သူကြောက်နေသည်။ အပြစ်လုပ်တာက ကိုကြီးဆိုသော်လည်း သူသွားမတွေ့ရဲလောက်အောင် ကြောက်လို့နေသည်။
"သွားနှုတ်ဆက်မလား"
"တော်ပြီ.. ငါက လမ်းကြုံနှုတ်ဆက်ရမယ့်လူမျိုးမဟုတ်ဘူး"
ထိုနေရာကနေ လှည့်ထွက်လာသည်။ လမ်းတလျှောက်လုံး မျက်ရည်မကျသွားမိအောင်၊ မငိုချမိအောင် ထိန်းထားရသည်က ပိုလို့ ပင်ပန်းစေသည်။
ပိုဆိုးသည်က သည်ညမှာ ဂျူတီရှိနေသည့်အဖြစ်။ သူနားလို့မရသလို အိပ်ရာထဲ ခွေလဲမနေနိုင်။
အလုပ်သာမရှိရင် အိပ်ခန်းတံခါးပိတ်ပြီး သူငိုကြွေးနေမိမှာ အသေအချာ။"ရိုးရိုးသားသား တွေ့တာနေမှာပါ"
"အိမ်ထောင်ဖက်တွေ့ဖူးတဲ့ ယောကျ်ားနဲ့မိန်းမကြား ရိုးသားတဲ့ဆက်ဆံရေးရှိနိုင်လို့လား"
သူနင့်သည်းစွာဖြင့် Sueကို ရင်ဖွင့်မိသည်။ ကားစတီယာတိုင်ကို ဆုပ်ကိုင်ထားသော သူ့လက်က တုန်ရီအေးစက်လျက်။
အိမ်မြန်မြန်ရောက်ပါစေတော့ဟူ၍သာ သူဆုတောင်းနေမိသည်။ အိမ်ပြန်ရောက်လျှင် အနည်းဆုံးတော့ မွှန်းကြပ်ခြင်းများ ပြေလျော့သွားလေမလား။အိမ်ရှေ့ရောက်ရောက်ချင်းပင် သူကားပေါ်က ဆင်းပြီး သူ့အိပ်ခန်းရှိတာ အပေါ်ထပ်သို့ ပြေးတက်သွားသည်။ တံခါးကို ဝုန်းခနဲ ဆောင့်ပိတ်လိုက်ပြီး တအီအီငိုချမိတော့သည်။
စိတ်တင်းထားသမျှက ဤနေရာတင် တစ်ခန်းရပ်သွားသလို ခံစားချက်။ နဂိုစိတ်အခံမှာ စွဲကပ်နေပြီးသားဖြစ်လျက်သော အားငယ်မှုက အလုံးအရင်းနဲ့ ထွက်ပေါ်လာသည်။
YOU ARE READING
ᒪᑌᗷᗷ - ᗪᑌᑭ
FanfictionYour are the owner of my 'LUBB - DUP'. Recommended song - 'I don't know why' by NOTD, Astrid S Kookv JJK x KTH