Recommended song - 'What the spring' by 10 cm
Unicode~
ခရီးက မနီး။ သူတို့ထွက်လာချိန်မှာပင် ည၈နာရီလောက်ရှိလို့နေပြီ။
ခန့်မှန်းခြေအရ ည၁၁နာရီလောက်မှ အိမ်ပြန်ရောက်လိမ့်မည်။
ကြားထဲက ကားပေါ်ထိုင်နေရတဲ့ ၃နာရီအတွင်း သူတို့နှစ်ယောက် တစ်ယောက်ကိုတစ်ယောက် ဘယ်လိုမျက်နှာချင်းဆိုင်ရမလဲမသိ။
ဘေးချင်းယှဥ်ထိုင်နေရတာပဲ ကသိကအောက်ဖြစ်လှပြီ။Taehyungက ဘာလို့ အခုလိုတွေ လိုက်လျှောက်လုပ်နေလဲ သူနားမလည်နိုင်တော့။ သူ့ကို မယုံဘူးဆိုတဲ့ သဘောလား။ သည်လောက်ထိ ပြဿနာတွေရှုပ်ယှက်ခတ်နေတာတောင် Park Eunyoungခေါ်ရင်လိုက်သွားမှာပဲလို့ တွေးနေတယ်ပေါ့။
ဒါက သဝန်တိုတာနဲ့မတူဘဲ သူ့ကိုမယုံကြည်တာ၊ သူ့ကိုယ်ကျင့်သိက္ခါကို စော်ကားလိုက်တာ။
သူ့အပေါ် သည်လောက်မှ မယုံကြည်ရင် သူတို့ဘယ်လိုရှေ့ဆက်ကြမလဲ။"ဆိုးလ်ထဲမဝင်သေးဘူးဆိုတော့ ကျွန်တော်တို့ ကာရာအိုကေလေးဘာလေးဆိုကြမလား"
လက်ထောက်ဆရာ၀န်လေးတစ်ယောက်က ထပြီး အကြံပြုလာသည်။ အုပ်စုလိုက် ခရီးတိုတွေမှာ ဘတ်စ်ကားပေါ် ကာရာအိုကေဆိုတာက ထုံးစံတစ်ခုလို။ သူတို့ ကျောင်းသားဘဝတုန်းကလည်း လုပ်ခဲ့ဖူးသည်။ ထို့ကြောင့် JungKook ငြင်းမနေတော့ဘဲ ခေါင်းညိတ်ပြလိုက်သည်။
မိနစ်အနည်းငယ်အကြာမှာတော့ သူခေါင်းညိတ်မိသည့်အတွက် နောင်တအကြီးအကျယ်ရတော့သည်။
ကီးကြောင်နေတဲ့အသံတွေနဲ့ တစ်ယောက် micတစ်လုံးစီကိုင်ပြီး အပီအပြင်ဟဲနေကြတဲ့ အသံတွေကြောင့် နားစည်ပင် ကွဲလုလု။
နဂိုက စိတ်ရှုပ်နေသည့်အရှိန်နဲ့ ထိုအသံတွေအား ဘယ်လိုမှ ခံနိုင်ရည်မရှိတော့။"Taehyung လာလေ ငြိမ်မနေပါနဲ့။ ဆိုကြမယ်"
"အင်းလေ.. ကျောင်းတုန်းက မင်းဒီလိုဟဲနေကြပဲကို"
လက်ထောက်ဆရာဝန်တစ်ယောက်၏အပြောကို အလုပ်သင်တစ်ယောက်က ဝင်ထောက်ခံသည်။ Taehyungမျက်နှာက မအီမသာ။ ဒါကိုလည်း အဲ့သည်နှစ်ယောက်က ရိပ်မိကြဟန်မတူ။
JungKookကို ကျော်ပြီး Taehyungကို နေရာကနေ အတင်းဆွဲခေါ်သည်။
YOU ARE READING
ᒪᑌᗷᗷ - ᗪᑌᑭ
FanfictionYour are the owner of my 'LUBB - DUP'. Recommended song - 'I don't know why' by NOTD, Astrid S Kookv JJK x KTH