انتقام الامبراطورة

الفصل السادس عشر

حور: لما اعرف كل حاجة ي كريم

كريم: عاوزة تعرفى ايه ي حور

حور: انت اللى كنت بتبعت ليا الرسايل صح

كريم : صح ي حور

حور: وليه بتعمل كده ي كريم اللى اعرفه انك بتكرهنى زى ما بتكره العيلة

كريم: ده اللى انا مخليكم تشوفه بس الحقيقة مش كده

وايه هى الحقيقة ي كريم ده انت كنت بتأذينى ف شغلى

كان هذا صوت صخر الذى يقف خلف حور ومعه اسد

كريم: صخر

حور : انته ايه اللى عرفكم مكانى

اسد: انا كنت جاى اطمن عليكى لقيت صخر خارج من اوضته ولما سالته قال انه شافك خارجة من القصر ف جينا وراكى نشوف فيه ايه

صخر: اه ي كريم سامعك تقدر تقولى كنت بتأذينى ليه

كريم : طاب ممكن نقعد ف مكان ع شان نتكلم

حور : تعالو الاوضة بتعتى بس براحة ع شان محدش يحس بينا

صعدو الى الاعلى وجدو زين عند غرفة حور

حور بسخريه : هو فيه ايه الكل شغال يدور عليا

زين بلهفه : حور قلقتينى عليكى كنتى فين بعدين اكمل بصوت عالى ي اييهم ي ايااااد خلاص لقيتها

حور وهى تكتم فمه بشدة: الله يخرب بيتك قال انا اللى بقول مش عاوزة حد يحس بينا وانت هتلم علينا البيت كله

اتى ايهم واياد وهم ينظرون لهم بحيرة

كريم برعب: الله يخرب بيتكم شهيرة ل لو شافتنى كل حاجة هتبوظ

حور: اتفضلو ادخلو يلا

دخل الجميع لداخل وقفلو الباب

اسد : خلاص كده تمام احكى بقا ثوانى وكان الباب يطرق

كريم وهو ينظر لهم: مين ده معقول شهيرة شافتنى معاكم

حور: بص ياض تقوم تتجر ع الحمام لحد ما اشوف مين

ذهب كريم للحمام وحور لفتح الباب ثوانى وكانت الفتيات تدخل بسرعة( كارما /ملك/يارا/عشق/حنين)

ملك: ايه ي حور كنتى فين وانت ي زين مش كنت قولت لينا بدل ما رعبتنا عليها

خرج كريم من الحمام

حور وهى تتجه لزين: قولتيلى بقا زين

زين بخوف: والله خوفت عليكى قولت اما اسال

حور وهى تلكمه: يعنى كان لازم ف الوقت ده تطمن عليا دلوقتى

بعدين اتجهت لكريم الذى ركض خلف صخر

كريم بخوف: امسكها ي صخر دى شكلها قلب ع زومبى

حور بشر: انا فعلا هقلب زومبى لو مش اتكلمت اخلص