انتقام الامبراطورة

الفصل الثامن و العشرون

شهيرة بصدمة: حووور

حور ببرود: مفاجأة مش كد

طارق بخوف: ازاى انتى عايشة

صخر بغضب: ليه ي طارق انت كنت فاكر القناص اللى انت باعته هيقدر يعمل حاجة لحور وانا موجود

طارق : انته عرفته ازاى

اسد ببرود: عيب تسال حاجة زى كده لينا احنا من يوم ما نزلنا مصر واحنا مرقبينكم كويس جدا وقصرك اللى انت قاعد فيه والحرس بتوعك نصهم رجالتنا واخبارك كانت توصل لينا ع طول

شهيرة: لا برافو حقيقى كل مرة بتبهرينى بذكائك ي حور

حور:مش يمكن انتى الغبية ي شهيرة هانم

صخر: اما انت ي طارق ف انا كنت ع طول شاكك فيك ومش بستريح ليك

ليث: طبعا انت مصدوم احنا كشفناك ازاى مش كده

حور ببرود: من ادهم

نظر لها طارق بصدمه وخوف

حور: مش تتصدم كتير ايوة ادهم مره سمعته بيتكلم ف الفون وكان باين انه متعصب وكان بيقول انا مش هرحمك وهكشفك انت وشهيرة وهكشف كل اعمالكم القذرة ي طارق رشوان بس وعرفت ان الشخص ده اسمه طارق بعد ما ادهم خلص المكالمة انا سألته عنك وقال ليا ده شغل بينه وبين واحد بس بعد المكالمة دى بابا كانت تصرفاته غريبه وانا كنت ملاحظة ف مرة جيه ليه واحد البيت وساعتها انا وليث كنا بنلعب ف مكتب ادهم اول ما لقينا ادهم دخل استخبينا وسمعناه وهو بيكلم الشخص اللى معاه وبيقول ليه

Flash Back

ادهم: اتفضل ي سيادة اللوا انا اسف انى طلبت حضرتك انت اللى تاجى ليا

اللواء محمود: ولا يهمك ي ادهم انت زى ابنى اتفضل قول فيه ايه

ادهم: حضرتك انا ف واحد اعرفه كان صديق العيلة بس اكتشفت من فترة انه بيشتغل ف الممنوعات وللاسف هو كان داخل معايا ف مشروع واكتشفت ان المشروع ده تهريب مخدرات وهو مشترك مع اكبر مافيا وهو عزام الانصارى وانا قدرت امسك مستندات عليهم بس هى حاليا مش معايا ومن كام يوم طارق اكتشف انى ماسك عليه مستندات وهو حاليا بيهددنى بحور بنتى

محمود: تمام ي ادهم اول ما الملفات دى تكون معاك تقدر تسلمها ليا واحنا هنفذ القانون اكيد

ادهم: اكيد حضرتك وانا ف اقرب وقت هجيب المستندات دى ليك

Back

ليث: بس واحنا سمعنا كل حاجة دارت بين اللوا وادهم

حور بغضب: وطبعا انت جريت بسرعة رحت قولت لعزام ان ادهم كشفنا بس وسكتوا لحد لما قتلتوه قصاد عنيا

طارق بصدمة:قصاد عنيكى

حور بحقد: ايوة انا ساعتها كنت موجودة وقت ما عزام قتل ادهم واتصل بيك قال ليك كل حاجة كويسة ي طارق بس المستندات مش مع ادهم