انتَ حُر

الحلقة الاولى🖤

على كتفي يُطبطب المطر ، كيف أُخبره
أن الحريق في الداخل؟!🖤
    ليال🖤
ـــــــــــــــــــــــــــــــــــــ

للكاتبة البصـراويـة ..
أنتَ حُر
فضلاً وليس امرًا علقوا بين الفقرات وصوتوا🖤

✿ــــــــــــــــــــــــــــــ✿

بدايةً اتمنالكم قراءة مُمتعة🫂♥
هل رواية مُمكن تكون مو الرواية
الـ Brilliant الي متوقعينها مني لان هل رواية صار تقريبًا سنتين من كتبتها كتبت خمس او ست بارتات وتركتها
وبعد الحاح وطلب كبير من البنات بانو انزل رواية بعطلة نص السنة وانا ماعندي رواية اكتب بيها فـ
لجئت للروايات القديمة مالاتي
الي تاركتهن واختاريتها
ورجعت اكتب بيها
واليوم راح ينزل اول بارت
التنزيل راح يكون
بين يوم ويوم على طلبكم
احبكم♥

اقروا الفوك مُهم⬆️♥

علقوا بين الفقرات

12:12am

كاعدة العب بالعابي ودخلت خالتي وجهه احمر وتمسح بدموعها اجت كعدت كدامي وباست ايدي .

- ننام؟؟

هزيت راسي رحنا على الچرباية نومتني بحضنها وضلت تلعب بشعري

- سالينـة

باوعتلها باستفهام .

حوراء:- مابقينا بس أحنه الاثنين الكل عافونه وراحوا فـ من اليوم اني سندج وانتِ سندي تمام؟؟

سالين هزيت راسي حضنتني وباست راسي .

حوراء:- احبج بنيتي الحلوة

سالين حضنتها اقوى وهيه حضنتني اقوى هم غفيت بحضنها كعدت على صوتها الدافي .

حوراء:- ساليني ساليني كعدي يلا

سالين فتحت عيوني .

حوراء:- صح النووم يحلووو ارووح فدوه لهل جمال

سالين ضلت تبوس بيه واني مبتسمـة طلعت اجت عيني على الحايط شفت صورة بيبي يم صورة ماما وبابا ضليت صافنه عليها .

حوراء:- سالين سالين تعاي نتريك ماما

سالين رحنا للمطبخ كعدنا نتريك كملنا وكعدت خاله تقرأ قرأن واني نايمة على رجلها .

حوراء:- يلا ماما كومي ابدلچ حتى نروح للمدرسه

سالين هزيت راسي بمعنى مااريد اروح .

حوراء:- لا ماكوو ترحين اهم شي دراستج ومستقبلج اريدج تهتمين بدراستج وتنجحين وترفعين راسي وتصيرين مهندسة