لا تَدع الخيبات الصغيرة تُنسيك بأنكَ لَستَ شخصاً عادياً،لا أحد سينجو من الذي نَجوت مَنهُ سابقاً ،ولا أحد سَيتحايل على الحياة بَذكاء كما تفعل أنتَ دائماً ،عليك تَقبل حقيقه أن كُل ما مَررت به من معانات جعل منك هذا الشخص المُدهش ،المُبهر،الباهت جداً بشكل يُثير الهيبة.🖤
ـــــــــــــــــــــــــــــــــــــ
للكاتبة البصـراويـة ..
أنتَ حُر
فضلاً وليس امرًا علقوا بين الفقرات وصوتوا🖤
✿ــــــــــــــــــــــــــــــ✿
الحلقة القادمة يوم الاربعاء🖤
واذا بقى التفاعل هيـچ
يمكن اوقف القصة
كعدت فتحت عيوني لكيت روحي نايمة على الجرباية
وكانيولا بايدي
سمعت صوت الاذان كعدت
حسيت شي وكع بحضني
دنكت شفتها وصلة حطيتها على الميز شلت الكانيولا ورحت للحمام كوه امشي مستنده بالحايط غسلت وتوضيت وجسمي يرعش طلعت فرشت السجادة ولبست الحرام وكلت الله اكبر نزلن دموعي مسحتهن ورجعت عدت الصلاة صليت
بالركعة الثانية سمعت صوت الباب انفتح كملت صلاتي مااهتميت رفعت ايدي اقره الدعاء وهنه يرجفن كوه خلصت الدعاء ركعت وسلمت درت شفته مُلهم .
مُلهم:- ليش كمتي من فراشج؟ لاحكة على الصلاة
سالين لاحگه؟ بالمگلوب؟ مُمكن اموت وانا ممصلية كلشي يتلحك علي الا الصلاة اهم شي بالحياة واول خطوات النجاح والتوفيق هيه الصلاة باول اوقاتها جان بنفسي اكول هل كلام بس للاسف مكدرت اگوله
درت وجهي ودنكت بست التربة نزعت الحرام حسيت بايدين يحضنني .
مُلهم:- كومي اني اشيلها
سالين هزيت راسي .
مُلهم:- اشش
سالين كومني وكعدني على الجرباية دنك شالها واني تمددت اجه اخذ مقياس الحرارة .
مُلهم:- فتحي حلكج
سالين فتحت حلكي وحطه شوي وشاله .
مُلهم:- بعدهي اربعين
ريم:- ها ماما... هاا حبيبتي كعدتي .
سالين غمضت عيوني بمعنى اي .
ريم:- شلون صرتي
سالين حركت شفايفي بكلمة "احسن" .
مُلهم:- بدليلها ناخذها للمستشفى
ريم:- لهل درجه حالتها موزينة؟
مُلهم:- اذا تضل اكثر تنشمر
سالين باوعت على الميز ادور الدفتر شفته موجود اخذته وكتبت:- مااريد
أنت تقرأ
انتَ حُر
Beletrieأحبُّكِ ، لأنَّ حبَّنا يُشبهُ التَحليقْ بعدَ سنواتٍ طويلَةْ منَ البَحث عنْ الأجنحَةْ 🌿♥ بقلمـي ليـال احمـد♥
