Part 17

530 32 10

بواسطة kimwevo

بقلم kimwevo

«اسفه ع الاخطاء الاملائية»
.

.
*عند سامي*
صحى بتعب من ضرب وفاء فيه امس ناظر سرير وفاء شافه مرتب ووفاء مو موجوده عرف انه الوقت تأخر اخذ جواله شاف الساعه انصدم انها 6 ونص قام بسرعه اخذ له ملابس ع السريع وتروش ع السريع طلع تعطر وبدون مايمشط اخذ جواله وشنطته وطلع وهو متوجه شاف وفاء واقفه جنب شلة عزوز خاف عليها لان هالشله متنمرين وشايفين نفسهم ضل يراقبهم من بعيد
.

.
*عند وفاء*
بعد ما رمى عزوز جوالها عصبت بس اخفت عصبيتها
وقالت ببرود:ههه عندي 20 نسخه منه بكل مكان لاتستانس لاني لو شفت منك غلطه بسيطه ممكن اقول بلساني واذا ماصدقوا عندي اثبات واقدر اشغله بقاعة المدرسه قدام كل الطلاب والي تنمرت عليهم وحتى لو تكسر كل جوالاتي عندي بديل إحتياطي
عزوز:ماتقدر انا عزوز الكل عارف مين انا
وفاء:امممم ايه انت عزوز وووو اقول او لا لا لا مو حلو اقول بس يكون احلى اذا شافوك بنفسهم بس انا مااهتم عادي بقول ولا لا يكون احسن اليوم يجتمعون كل الطلاب بقاعة المدرسه واوريهم مين عزوز اوك اتفقنا عزوز شرأيك
عزوز:وش الي بيخليك ماتقول لأحد
وفاء:انت ماتدرس سكني هنا صح
نايف:وش يدرس سكني وهو عنده قصر وش يبي بسكن المدرسه المعفن
وفاء بسخريه:هههه وش قلت قصر ههه مره ضحكتني تراه يكذب عليكم المهم انا وش علي منك انت انا ابي عزوز
عزوز:تفضل وش بغيت
شلة عزوز انصدموا من عبدالعزيز وسامي لايقل صدمه عنهم
وفاء:....
.

.
*الفصل*
كانوا اكثر الطلاب موجودين بس وفاء وسامي مو موجودين وبعض الطلاب
خالد ينادي:وليد
وليد جاء:هاا شبغيت
خالد:ماشفت فهد وسامي ولا رحت السكن بعد فهد
وليد:لا وش فيه
خالد:الساعه 7 الا ربع وهم للحين ما جو
وليد:يمكن تأخروا بنومتهم
خالد:شوي وبيجينا الاستاذ
وليد:شوي وبيجون لاتخاف عليهم
.

.
*عند وفاء*
وفاء:ابيك تكون تروح تشتري الي الفطور كل يوم وبعد تشيل شنطتي توديها الفصل لانها ثقيله وانت عندك عضلات وابيك تروح تعتذر لكل الي تنمرت عليهم هالاسبوع وتعتذر مني بعد بغرفة الاذاعه والكل يسمعك وانت تعتذر وتقول اسمك واسمي بعد اوك ولا ماعندي مانع انشر الفيديو مو بس اخليهم يشوفونه
عبدالعزيز:اوك هات الشنطه اوديها للفصل
وفاء مدت له شنطتها:امشي قدامي وافتح لي باب الفصل
عبدالعزيز:طيب
ومشى عبدالعزيز وهو شايل شنطة وفاء ووراه وفاء تاركين سامي وشلة عزوز مصدومين وصلوا الفصل عبدالعزيز فتح الباب بقوة كل الي بالفصل ناظروه بخوف
رامي بنفسه(ياربي اكيد جاي يسوي شي)
خالد شهق بخوف لما شاف شنطة وفاء معاه
وليد بعد خاف لما شاف شنطة وفاء وقال بنفسه(اكيد سوا شي لوفاء ضربها او شلته يضربونها ويخفونها بمكان وجايب شنطتها)
بس كلهم تفاجوأ بدخول وفاء من وراه وهي تأشر وتقول:هذاك الكرسي حقي روح حطها عليه ووقت الفسحه ابيك تكون موجود او انا ماعندي مانع انشره
عبدالعزيز راح حط شنطتها وقال:اوك بغيت شي ثاني
وفاء:لا بس لاتنسى تجي وقت الفسحه
عبدالعزيز:ان شاالله
وفاء:قل اوك
عبدالعزيز بغير نفس:اوك
وراح عبدالعزيز وقعدت وفاء ع الكرسي وكل الطلاب بعد تحت تأثير الصدمه
مهند:وش شفت انا
وفاء:ماادري
مهند:هذا عبدالعزيز
وفاء:ايه وش فيك ترا عبدالعزيز بشر ماهو ملاك
مهند:هذا عبدالعزيز اكثر واحد متنمر في المدرسه وانت تكلمه كذا وبعد خليته يأخذ شنطتك وش ماسك عليه
وفاء:ماني ماسك عليه شي بس بأسلوبي الخاص خليته يصير كذا
مهند:ماني مصدق والله
وفاء:صدق صدق
دخل عليهم استاذ الدين وفاء حست انه جاها اكتئاب من هالاستاذ وبدأ يشرح لهم الدرس وحصه بعد حصه لين خلص الوقت وجت الفسحه رامي راح لوفاء وهي بعد قاعده على كرسيها تلم كتبها
رامي:فهد وش مسوي لعزوز
وفاء:اوووف صجيتوني انتو وياه هالعزوز ماني مسوي له شي
رامي:تدري منو عزوز
وفاء بعصبية ماقدرت تمسك لسانها:تدري منو عزوز ايه ادري عزوز نادل بسيط بمطعم وغطت على فمها لما عرفت انه انكشفت حقيقة عزوز عضت شفتها بقهر
رامي بصدمه:وش قلت
وفاء بتوتر اخذت شنطتها وقالت وهي طالعه:ماقلت شي لاتهتم
طلعت وكان عزوز منتظرها جنب الفصل
وفاء مدت له الشنطة بغرور وقالت:خذ الشنطة اولاً نوديها للسكن وبعدين انا بروح للشله وانت تروح تشتري لي شاورما
عزوز:اوك
مشوا متوجهين لسكن وفاء وصلوا وفاء فتحت الباب وخلته يحط الشنطة ع الكنب الموجود بالصاله وطلعوا وفاء رايحه للشله وهو رايح يشتري لها
وصلت للشله:هاااااي شباب
الشباب:هاي..هلا فهد...اهلين...هايات
وفاء وهي تقعد:وينهم وليد ورامي
خالد:راحوا يشترون
وفاء:اها اليوم الدور عليهم
علي:ايه وبكره علينا انا ورائد
وفاء:اها
خالد:الا ماقلت وش سالفة عزوز
وفاء:يالييل احنا وهالسالفه الي ماتخلص كل ماقعدت مكان ماصرتوا تسألون عني من كثر ما تسألون عنه عزوز ذا
رائد:من صدمتنا كل طلاب الفصل صايرين يتكلمون عنك انت وهو
وفاء:ماني مهتم للطلاب وكلامهم
علي:طيب قل لنا وش سالفته
وفاء:السالفه انه اول يوم شفته فيه ناظرته بأستحقار وهو مسكني وعطاني كف وانا رديت له الكف وقال انا عزوز تعطيني كف بس قرر ينتقم مني ع الكف وانا كشفت عنه شي محد يدري عنه من شلته او منكم وذليته بهالشي وقلت له اذا ماتبي تنكشف تسوي كل الي اقلك عليه
خالد:وكل هذا متى صار
وفاء:قبل امس
رائد:وليه ماقلت لنا
وفاء:مايحتاج اي شي اقوله لكم
.

*عند عزوز*
كان واقف ينتظر الشاورما جو شلته
نايف:الحين انت منجدك تسكت لهالخكري يسوي فيك كل هذا
امير:ايه والله احنا ماقدرنا نطلب منك شي وهو يأمرك بعد
...:ايه وش ماسك عليك
...:صح زي ما قال عبدالرحمن وش ماسك عليك
...:وليه كان يأشر على جواله وانت رميته
عزوز بكذب:مو ماسك علي شي والجوال يقصد انه بيتصل للمدير لانه ماادري وش علاقته فيه
عبدالرحمن:وش الي عنده نسخه منه
عزوز:ولا شي
...:متأكد
عزوز بعصبيه:اسامه وش تقصد بكلمتك انا مااكذب
...:ايه مبين انك ماتكذب
امير:مالك اسكت
مالك:انا ماقلت شي
عبدالعزيز اخذ الشاورما وقال:بروح اعطيه وجايكم انتظروني بموقعنا
وراح
.

.
*عند وفاء*
وليد:فهد ابي اقلك شي
وفاء:هلا
وليد:اليوم اخوي بندر جاي يأخذنا كلنا رايحين بيت واحد من اخوياه
وفاء:اوك ماعندي مانع
رامي:وناسه يتعرف ع العضو الجديد بالشله
وفاء:ههه
قاطع ضحكته وصول عزوز الي خلا ملامح وجهها انقلبت غريبه كل الشباب لاحظو عليها
عزوز وهو يمد لها الشاورما:خذ بغيت شي ثاني انا بروح لشلتي
وفاء وهي تقوم:اولاً قبل لا تروح لشلتك يلا نروح غرفة الاذاعه تسوي الي قلت لك عليه
عزوز:اوك يلا
وفاء:شباب مو جايين
خالد:لا
وفاء:اجل اسمعوا زين
وراحوا هي وعزوز لغرفة الاذاعه وصلوا وفاء شافت المسوؤل عن الاذاعه قالت له:لو سمحت نبي نقول شي بس افتح لنا كل مكبرات الصوت
المسوؤل:طيب
فتح مكبرات الصوت وفاء ناظرت عزوز بمعنى تكلم
عزوز:انا عبدالعزيز ال... اعتذر من فهد ال... ع الكف الي عطيته واتمنى انه يرضى ويسامحني
.

.
كل الطلاب كانوا بالساحه مصدومين من الي يسمعونه والمدير بعد انصدم من الي سمعه وخصوصاً انه سمع اسم فهد
.

.
*عند الشله*
سامي:منجده سواها
خالد:ليه انت كنت تدري
سامي:ايه شفته لما كان واقف معاهم وقال لعزوز يسوي كذا واكثر من كذا بعد بس انتظروا المفاجأت الي بتصير منه هالفهد
رامي:قل لنا وش بيصير
سامي:لا
علي:قل يالنذل
سامي:لا ما بقول لان فهد اذا درا اني سمعته وقلت لكم بيعصب
.

.
*عند وفاء وعزوز*
كانوا طالعين من غرفة الاذاعه بس كانوا طلاب كثار منتظرينهم يشوفون وش صاير
عزوز:وش تسوون هنا انتم مافي مسرحيه
طالب 1:هه هذا الخكري خلاك تعتذر منه مو انت(وبسخريه)عبدالعزيز ال... ماتعتذر هههه
وفاء:يلا كل واحد ينقلع من هنا احنا مو بعرض عشان تتجمعون وهذا التجمع خلوه لوقت القاعه عشان تشوفون منو عزوز
طالب 2:واااو شوقتني لهالوقت متى يجي
وفاء ابتسمت:انتظر شوي بس
وجاها اتصال قلبها طاح لما شافت ان الي يتصل عليها المدير
ردت:هلا
المدير:فهد.....
.

.
((انتهى البارت))