I look like a boy but I'm a girl

Part 20

«اسفه ع الاخطاء الاملائيه»
.

.

.

.

.
*عند ماجد*
بعد ماطلعوا الشباب دخل البيت وقعد بالصاله غمض عيونه وهو يفكر بفهد او وفاء ويقول بنفسه(ياربي كلشي يشبهها كل تفاصيله حتى طول اصابعه واظافره وعيونه الغريبه واسنانه وانفه وشعره وش فيني ليكون انجنيت فصلت الولد تفصيل وشفت كل شي فيه ااااه بس وش سويت ياعلي بدلوعتنا)
جات سوزان:وش تفكر فيه
ماجد:اااخ ياسوزي لوتدرين اليوم جاء بندر وجاب معاه اخوه وليد
سوزان قاطعته بكذب وهي تدري انه وليد جاء:اوووه منجد ليه ماقلت له يدخل كنت ابي اشوفه آخر مره شفته قبل سنتين
ماجد:لا انا مااقلك على وليد فيه واحد خويه جاء معهم اسمه فهد لو تشوفينه كأنه نسخه من وفاء بس لون شعره مختلف تخيلي حتى يده مثل يدها ولون بشرته وحدة الصوت الغريبه وطريقة كلامه كلللللشي والله
سوزان بكذب لانها شافت وفاء وعرفتها:كذاااب وليه ماقلت لي اطلع اشوفه او كنت تقلهم هو ووليد يدخلون تخترع اي عذر عشان يدخل
ماجد:مافكرت انا كل الي كنت افكر فيه كمية الشبه لا مو شبه الا نسخه منها
سوزان:يقولون يخلق من الشبه اربعين
ماجد:بس شبه مو نسخه سوزي اقلك كأنها صوره وحده وجبنا منها نسخه ثانيه
سوزان:زين زين لما يجون مره ثاني خلهم يدخلون
ماجد:ان شاالله
.

.

.
*عند الشباب*
علي:وش فيها حبيبتي
وفاء:خلصوا بنات الكون مالقيت الا تحب ذيك
علي:وانت من وين تعرفها
وفاء:هاذي مين مايعرفها تراها مرقمه نص شباب الرياض
علي:شدراك
وفاء:ادري وشفتها وادري عنها اشياء كثيره علوش والله لمصلحتك تتركها
علي:من وين تدري الا اذا انت مرقمها ولمصلحتك لاتتدخل
وفاء بسخريه:هه ماني غبي اروح ارقم كائن غريب ومقرف مثلها وانا نصحتك وبينا الايام هي الي راح تثبت انها ماتحبك بس تتسلى فيك وبفلوسك
علي:فهد احترم نفسك تراها احسن منك
وفاء:اوك خلاص ماني متدخل فيك حتى لو تتزوجها بس اذا تمت علاقتكم شهر واحد تكون معجزه لانها بتأخذك تتسلى فيك لمدة اسبوع اسبوعين وبعدها تبدل غيرك انا اعرفها تبدل 4 اشخاص خلال شهر واحد لما تلاقي الي اغنى منك وقتها تقلك انا مااحبك
علي بعصبيه:لا
قاطعه بندر:خلاص شباب الحين تتهاوشون بسبب بنت
علي بأنفعال:ماتسمعه وش يقول عنها
وليد:ماقال عنها كذا الا لانه اكيد عارفها زين
خالد:خلاص سكروا سالفتها
وصلوا المدرسه قال بندر بعد مانزل الكل مابقى غير وفاء ووليد
بندر:فهد الله يخليك اترك علي بحاله ولا تقله شي
وفاء:اوك لاتهتم
ودخلوا وكل واحد راح سكنه مع شريكه
.

.

.
*عند وفاء وسامي*
وفاء دخلت على طول لغرفة النوم وسامي سكر الباب بالمفتاح من داخل ولحقها للغرفه
سامي:تحب وليد صح
وفاء وهي قاعده على سريرها بدون ماتناظره:ايه عندك مانع
سامي وهو يخلع تيشرته للمره الثانيه قدامها بس هي مالاحظت عليه:وانا ماتحبني
وفاء وهي تطقطق بجوالها:ماادري
سامي وهو يتحرك لجهتها:وش الي ماتدري
وفاء مطنشته وماتدري انه جاي لها سامي سحب جوالها ورماه على سريره وفاء رفعت عيونها والشرار يطلع منها وبعصبيه بس انصدمت لما شافته بدون تيشرت فهت فيه
سامي بخبث:وين راحت عصيبتك لما شفتني
وفاء طنشته وقامت بتروح لجوالها بس دفها ع السرير ونزل لمستواها وحاوطها بأيدينه وقال:تحسب اني بخليك اذا ضربتني بالعكس انت تعطيني قوة واصرار اني اضل بعدك الين مااخذك انت لي يافهد لي مو لورد او اي بنت او وليد او اي ولد
وفاء حطت عينها بعينه:مختل انت وش فيك وليد صديقي بس وبعدين وش لك انا وانت عيال مانصير نكون لبعض
سامي:ليه حطيت عينك بعيني ماتبي تشوفني
وفاء حطت يدها على صدره ودفته:مريض اقسم بالله انك مريض نفسي وش فيك انت
سامي حس بأيدينها الناعمه على صدره صار وده لو تضل دوم على صدره:خلك كذا
وفاء سحبت ايدينها بس هو مسكها وردها
وفاء:سامي اتركني
سامي:فهد ليه ماتفهم ليه انا احبك يافهد والله احبك كنت اقول يمكن نزوة مشاعر ولان شكلك يشبه البنات اعجبت فيك بس لا اكتشفت اني احبك واغار عليك
وفاء:سامي انت مجنون وش الي تحب ولد زيك وتغار عليه مو انت مسلم وينه دينك وينه
سامي:الحب مايعرف دين او ولد او بنت الحب يعرف الحبيب وبس
وفاء:بس انت مسلم
سامي:انا احبك وبس هذا كلامي مستحيل اخليك لأحد
وفاء:بس
قاطعها سامي بشفايفه الي حطها على شفايفها
.